車完大炮放飛機
被人篤爆嘆倒楣
勝在荒唐兼異相
陰謀背後笑嘻嘻
自從行李門事件曝光之後、飛雞工會一直以有人無視國際安全規定、向小職員施壓提供不合理服務。究竟在此事之中是否有人違法和違規呢?據日前垃圾會尊貴兼資深狀師韋進在一個電台節目中、就行李門事作出分析。他指那件行李是由航雞公司職員攜帶並透過安檢、然後才交到物主手上、法理上並無違反“同行同檢”規定、但若然行李有問題嘅時候、有關職員就要付上法律責任。因此問題重點並不在於安全問題、而係誰授權予有關職員替乘客攜帶行李通過安檢。但飛雞工會代表死撐話、過去案例中嘅失物都是電話、護照、證件等。呢嗱、呢啲咪就係鬼拍後尾枕、連唔講嗰句都講埋出嚟囉!試問一聲、如果遺留護照或證件、物主又焉能進入禁區呀?照咁睇嚟、呢單嘢都係針對人而非針對事。