由撩鬼攞命講起

壽星吊頸嫌命長

撩鬼攞命聽遭殃

轟天炸地傻且戇

未抱河山已斷腸

俗語都有話、做人做得好能能就千祈唔好鬼攞命吖嘛！點不知今日嘅後生仔為博出位、居然連鬼王嘅生豬肉都敢砌。話說、勇武門高足厶口仰日前出席大師兄天王奇嘅豐收慶功宴時、聲稱蒸發組人員為着迫使他現身而不斷騷擾其家人。當被問及點解唔去報官查辦時、厶口仰指巡捕房無能力將蒸發組查辦、所以報官可以慳番喎！喂喂、講到被失踪呢家嘢、唔係人人都有資格架、就算數到孻屘嗰個、睇怕都唔會係閣下。講真啦、呢啲玩笑唔可以亂開架！萬一真係䟕錯腳嘅話、真係「腹語魔師」翻生都查唔出底允架！知冇？

日前齋講獨興會宣報派出一支五人代表隊（成員包括：教主黃每巟、太師雲東耳、大王三羊達、左先鋒木厶泰、右先鋒金帛滿）參加九月垃圾會擂台大賽。然而勇武門兩名小將天王奇和厶口仰並未獲提名、難怪江湖上有人戥佢哋唔抵、並指有人把兩人當做紙巾、用完即被棄喎！呢嗱、先不談傳聞是否屬實、事實上勇武派多個幫會聯手組織一支八百名啦啦隊員替天王奇在填氹擂台賽之中打氣、但結果打輸咗。因此人家今次不再起用他亦不無道理。注於厶口仰在大年初一就惹上一身蘇州屎至今未洗乾淨、基本上無人可以保證佢到今秋是否能以自由之身步上擂台。雖然他連撩鬼攞命這指都耍埋出來吸引眼球、但仍然冇人願意冒險去起用佢。其實打政治擂台呢家嘢係好現實架、並唔係阿貓阿狗都有資格上台打嘅。因為打一次擂台須要花費嘅人力、物力、財力絕對係唔小嘢。如果背後沒有實力雄厚嘅贊助人支持、基本上是毫無勝望、甚至連保證金都被充公埋、到時賺就真係嘥聲壞氣兼破財啦！係嘛？！