危險示範

你要發財我不阻

千祈唔好當我傻

紫荊根本無大病

何必炒作偽坎坷

日前弓幫幫主雀人與討地政治聯盟（討政聯）攜手、將大約兩頓嘅建築廢料堆積在府衙大數門外、以示抗議講府縱容屯兵區傾倒泥頭活動。本來政治團體向政府施壓是平常事、根本上沒啥好說。之不過、今次雀人嘅做法就認真耐人尋味。若按照雀人嘅以牙還牙（政府制止不了傾倒泥頭活動、他就在府衙大樓門外堆泥頭以示不滿）邏輯來推算、豈不是當有人不滿政府制止唔到假難民犯案和殺人、當事人就可以除便犯案或殺三幾個人以示抗議都得？嘩、如果呢套思維入晒班勇武書生個腦、日後紫荊城想話唔變成“遍地鮮花吐艷紅”都幾難啦！咁、你話死唔死？

俗語都有講、大唔好時教壞細吖嘛！由其是那些政治明星所發出嘅一言一行、都可以成為支持者嘅模仿目標。縱觀勇武分子嘅行事方式、跟某些垃圾會代表是同出一轍的。垃圾會之所以被稱為垃圾會、原因就係裡面藏污納垢、班友陰陽怪氣皮笑肉不笑、講得無賴做得爛笪、完全係不務正業、搞到整個議會變成鬥雞場。試問如此種種、一幕一幕看在年輕人眼裡、又點會話唔造成誤導？自從有人示範拖篋之後、趕客活動就出現。在巡捕房再三忍讓之下、趕客友就進化成龍虎武師。初一大龍鳳更加係賊佬試沙煲、試出彩虹來嘅傑作。現在又有人示範以牙還牙、究竟會引發起甚麼效應、咁就真係要睇過至知。坦白講、紫荊城是自由之地、每個人都有自己嘅信仰和思想自由、正如有人喜歡使人仔、有人喜歡使花金一樣、誰都不能左右誰、這就是紫荊人嘅價值觀。但搞到要獨立就唔係咁講嘞、因為冇人有權夾硬將紫荊人嘅國籍改變、等如冇人有權強迫他人改變姓氏一樣。更加冇人有權犧牲別人嘅身家性命財產、並隨之墮入萬劫不復之地。假如我話、連飽學之士都不明此理、你又信唔信？既然係咁、點解總係有人鍥而不捨地死咬住唔放？說穿了、無非是銀両所作的怪而矣！