2016年3月28日星期一

蒸發密令之見怪不怪



既怕惹風波
亦忌眾口多
諸君行好事
拜托勿囉唆

早幾日失踪數月嘅禁書鋪老闆三皮李終於現身城中。他聲稱並不是被蒸發、而係用自己方式進入中土、並已經向巡捕房消案、最後還求記者放他一馬別再追訪他。但係燶幫幫主雀人和大撞幫幫主涼瓜兩人卻異口同聲指三皮李言不由衷、並公開呼籲紫荊府衙從速澄清。雖則話、此事確實疑點重重、但係事主三皮李親口否認被蒸發、旁觀者又能如何?即使三皮李真係有所隱瞞、但他已經親身去消案、難道叫巡捕房在無憑、無證、無原告、無被告嘅情況之下繼續查嗎?之但係、雀人和涼瓜兩位幫主說得對、三皮李自稱用自己方法離境的、巡捕房有必要查清楚是否有人犯法才對。紫荊城一向自稱係法治之都、紫荊府衙絕不能瞓捩頸、否則肯定會越搞越難收科架咋!

講開又講、若然天朝特工真係如番邦電影中嘅特工一樣咁厲害、能夠從外地把目標人物蒸發嘅話、那麼要蒸發幾條頂心杉應該毫無難度至係。但那些反紅反到街知巷聞嘅人就安然無事、反而靜雞雞賣幾本禁書嘅人就忽然被蒸發、都可謂奇哉怪也咯!之但係、若然話那幾名被失踪者係自己跳落鑊滾水度、就更加係天方夜談。無論點講都好、總之講到蒸發呢家嘢、搞得出色嘅莫過於花大叔班部下矣!在上世紀89.12花大叔派遣一隊人潛入巴拿牛、把當時嘅總統洛烈家擄回花旗受審和判刑、另外又在本世紀11.05花大叔又遺派一隊人潛入媽基斯坦將亞二蓋得首領笨拉燈蒸發、呢兩個畸屎都係明做畀人睇嘅。注於話有幾多宗畸屎係唔見得光嘅?那當然係冇人知架啦!講到今次打鑼灣蒸發事件真相能否得見天日、那就真係天曉得咯!不過在污穢嘅政治世界裡面、無論有幾荒誕嘅事都會發生、分別只是在於所發生嘅事會不會顯現於人前而矣!

21 則留言:

  1. 呢場戲可能係精心策劃給人看,是想傳達一個訊息:順我富貴,逆我閉翳!

    回覆刪除
  2. 我地無喇無能一定無閉翳!

    回覆刪除
  3. Day Day ╠╣aΡpy ★。゚☾好友♦*¨*☆晚安☁¨✬

    回覆刪除
  4. 強國強部門
    絕無強引渡
    書局五文雀

    回覆刪除
    回覆
    1. 一切皆段估
      段估冇辛苦
      未知堅定流
      人皆食詐餬

      刪除
  5. 呢單野一定要巡捕房查嘅,方向就只有係三皮李有冇犯法,至於幕後令三皮李失踪嘅人,都怕冇乜機會浮出來喇。
    我見三皮李喺鏡頭前面幾好笑容,查落去唔知會唔會笑唔出。
    話是話,我睇007咁耐,佢做野真係未見過佢有理過當地法例喎,做完野咪多一單無頭公案囉。

    回覆刪除
  6. 當事人唔講真話,又唔透露點用自己方法返內地協助調查,你話點查喇?飯聞指指點點,要求警方乜乜物物係意料中事,因為佢哋係扮演呢個反對黨角色嘛!雖然記者猛咁追問,但當事人點夠胆講?我相信呢件事最後都係咁不了了之架喇!

    回覆刪除
    回覆
    1. 呢單嘢確實撲朔迷離、除非有一方肯講真話、否則件嘢可能會係咁先咯!

      刪除
  7. 域兄說得對! 在無憑、無證、無原告、無被告的情況下,巡捕房又如何去講數呢?
    問題是要查問東主如何潛回大六?
    記得曾經有個藝人在前幾年說過:「將來不是有人要偷渡來這裡,而是我們會偷渡回大六。」哈哈!說中了。

    回覆刪除
    回覆
    1. 聽講在九七後,都有中飛、細飛載人飛到大六近岸去理髮,去按摩的啦! 不用回鄉證的。

      刪除
    2. 「既怕惹風波,亦忌眾口多。 諸君行好事,拜托勿囉唆。」四句順口溜寫得很精彩!

      刪除
    3. 世界上有很多事都是無法搞得清楚、總言之就係一隻手是拍不出聲來的。

      刪除
  8. 明眼人一睇都知道係做戲啦. 我就一路睇一路掩住嘴笑.

    回覆刪除
  9. 井水成日想清淨無瀾,本是容易之事,何以不時以井水入浸河水?不作不死!
    惡犬只在河邊,唔撩佢,佢唔會無端端咬你,你走你的維港路,啋佢都儍,點解咁鬼seafood,要夜郎自大?

    回覆刪除