2016年2月3日星期三

點止係經濟自由之都



自由生意我第一
老逗賺錢仔靠乞
先天注定唔生秀
一世英名聽混吉

咱家紫荊城今年是連續廿二年、獲得山姆大叔頒予「世界最自由經濟體」大獎。不過先要講清楚、最自由與最發達完全係兩碼子事。坊間有意見認為山姆大叔應該更慷慨一些、給予紫荊城一個「世界最佳大龍鳳體」大獎才對。據說、城中十齣大龍鳳、包括反證改、反教科輸、反三跑、反豬講馬大橋、反糕鐵、反修地、反黃松、反扣物、反尺化等、無一不是做到街知巷聞、總算不枉“funNGO 一場吖嘛!由此可見街坊嘅要求是完全合理的。既然連龜縮在後面大聲嗌班同學仔打衝鋒嘅痴瘋哥都獲得山姆大叔垂青、頒予一枚「世界第十名瘋暈人物」獎項、若然唱反調唱到撼動天廳嘅專業唱反調團體都不能為本城唱出一個「世界最佳大龍鳳體」大獎嘅話、那就太過說不過去矣!

呢嗱、講到獎賞呢家嘢、相信很少人會唔鍾意賞的。不過在下實在想不起阿爺曾幾何時有頌予紫荊城任何獎項。不過卻見到經常圍在老人家身邊嘅一群蠶蟲師爺、整天以遍概全的亂在紫荊人頭上扣帽子、弄得兩地民眾嘅關係變得水火不相容。相對之下、人家山姆大叔係又獎、唔係都有得獎、而且從來未有對紫荊人罵上一言片語、贏得一群政治盲流當佢神咁拜。之不過、如果阿爺願意將老祖宗當年打江山時對一般窮街坊所用嘅統戰手法、稍加改變以應潮流、然後用於街坊身上嘅話、城中嘅怨氣雖則未必能夠全消、但總能夠減去一大半。若然能夠帶領紫荊城擺脫單一發展嘅命運、而步向多元化嘅話、那就更加令人歡喜。到時那些反乜反物人士就真的會變成一小撮分子、而阿爺就可以趁勢頒予本城一個「最佳唱紅打蕃體」大獎架喇!點都好過家陣咁、眼光光睇棵金紫荊一日一日的枯萎下去吖嘛!係冇?

8 則留言:

  1. 紫荊城和寶島都係山姆大叔精心培養左多年嘅工具,將新一代洗晒腦,已經有多年冇運行,在可見的將來都唔會改變。

    回覆刪除
    回覆
    1. 藍黨和紅黨都是在此環節上失足的。

      刪除
  2. 好友*¨♦齊齊時刻笑笑*・゚゚Ѽ享受天天美好的時刻
    大家窩心°•ഐ 。゚幸福開心停不了喇喂❀*°✿
     ┏┓┏┓っˆヮˆ)っ。・゚゚ƸӜƷ
     ┃┗┛ appyღೋ2Ѽ16❤°•❣
     ┃┏┓┃¸.•*¨❉•.♥。ʚïɞ
     ┗┛┗┛*¨・。。゚°•♩¤。♪.♬。。⊹♫*。.₡Ϡ
    ılılıll|̲̅̅●̲̅̅|̲̅̅=̲̅̅|̲̅̅●̲̅̅|llılılı。。゚♡

    回覆刪除
  3. 依家嘅政策就係你有你閉翳,我有我富貴。
    總之擺明車馬,啋你都儍!

    回覆刪除