2016年2月29日星期一

填氹之戰



烽台又見煙
惡戰大三邊
原來有蠱惑
靜待看明天

填氹擂台大賽已經有結果、這屆冠軍得主是大撞黨嘅大鱷喬、而紅建聯嘅李老頂和本無前嘅木人奇、分別獲得亞軍和季軍。注於何解財雄勢大嘅紅建聯會敗於出名陰濕嘅大撞黨手下就冇乜好講、反而獲得季軍嘅木人奇卻成為輿論焦點。坊間盛傳木人奇之所以獲得季軍、是代表着民眾對管治者嘅期望已經失去耐性、以致支持勇武抗爭嘅力量日漸擴大。呢嗱、唔知街坊對這個論調點睇、但在下卻認為尚有其它因素。

2016年2月26日星期五

攞嚟拗



可悲可惡更可憐
香江慘變義和團
妖言泛濫乜都拗
關門困自發花癲

呢嗱、香港人自誇夠開通、又常指內地遊客民智未開、但實情卻是五十步笑百步而矣!最近某私營電視台將普通話新聞報導和簡體字幕集中在一條免費頻道播出、卻被人在互聯網上渲染成為踐踏本地話和繁體字、結果鬧得滿城風雨。其實一個商營機構作出任何決定、無非是向錢看、而觀眾有權選擇睇或者唔睇。況且那條傳統本地話頻道又無被關閉。試問何須要有那麼大反應?看來、香港真的病了!人們動輒就把事情政治化、所以香港已經變成政治僵屍、真係醫都嘥藥費矣!

2016年2月24日星期三

真係冇種族歧視?



同警不同族
當然各搞局
既是有親疏
豈無生豬肉

近日一群為數超過1萬、聲稱不再做“啞裔”人士嘅妞約市華裔市民走上街進行示威抗議。事緣一名華裔警察(彼得梁)誤殺一名非裔青年而面臨15年徒刑。此事震動了花旗和風葉國43個城市嘅華裔社區、並總共有12萬人透過白宮嘅請願網站聯署、要求當局撤銷對彼得梁嘅指控。但對不起、白宮發言人說無權干預法院判案。據說當時彼得梁嘅配槍走火射上天花、子彈反彈擊中該名黑人而導致他的死亡。當地華裔人士認為、今次事件純屬意外、不應拿梁去豋旗。他們認為在過去10年內、白人警察槍殺黑人從未被起訴、而今次因為梁是黃種人而被當局起訴並判罪成、完全是因為他是黃種人。

2016年2月19日星期五

暴亂背後



開牌過一棟
諸君齊入甕
造反冇市場
麻煩真金種

日前戰中廷走出來講風涼話、拒話初一暴亂與戰中無關、但轉過頭來又指、那次暴亂是因為講府當和平抗爭冇到所至。嘩、依佢咁講、豈不是文求不遂就要武攻?不過唔好忘記、社會係唔係戰中廷一夥玩晒嘅。莫講話老黃跟老藍所追求嘅嘢係唔一樣、就算係在下或其他人士所追求嘅亦未必相同。如果人人都以暴力去索求嘅話、咁就靠搶得啦、何必要政府維持治安?雖知到政府係有責任平衡各方利益、而且在平衡過程之中難免會出現厚此薄彼嘅現象、但係絕對唔應該以暴力威脅嘅。然而有一群禮義廉政棍跳出來替戰中廷背書、將上次暴亂入晒施威數。喂喂、你班友要整施威咪盡管去整佢囉、點解係都要指搵嘢賴兼拖晒班街坊落水啫?大年初一流流搞鑊咁杰嘅出來畀街坊嘆、真係大吉利是咯!

2016年2月17日星期三

為暴力開脫



應斷而不斷
勢必遭其亂
靠害當幫忙
遲早遭天譴

前晚我與幾位朋友在龍門客棧嘆夜茶時、無意中聽到隔離枱幾名茶客正在討論有關“城中三棍(政棍、學棍、狀棍)聯手為本地勇武兄弟早前作出嘅暴力行為開脫”嘅事。當中有人話、若能成功把暴動演繹成是官迫民反而演變出來嘅一場公民抗命、肯定會改變全城黑世界社團嘅命運。因為按照三棍嘅邏輯去推算、就算社團兄弟糾眾在公眾地方封街鎖巷兼收片都冇有怕、只要撒賴係官迫民反就登時會變成公民抗命、到時就真係和尚打傘、無法無天喇喎!

2016年2月15日星期一

厚黑之最



明知路不通
誓要教人衝
居心何所在
惟有問諸公

呢嗱、論天下之厚黑、誰都比不上咱家壇之中那群陰陰濕濕、蠱蠱惑惑、專門躲在後面擁人家子女去當炮灰嘅政棍。這群政棍在戰中期間粉墨登場、向人家子女散播那些“不守法並不等如不尊重法律”之類嘅鬼話、使得一群羽翼未豐嘅新生代虛假正義感膨脹、視自己為正義化身、視法紀如無物、視他人的損失如應份。如今呢班皮笑肉不笑嘅政棍又出口術、話那群剛剛獲得「本地 funny 分子」殊榮的勇武兄弟口中所謂嘅「魚蛋夾麵」係講府迫出來嘅。但事實就係、連賣魚蛋嘅小販都唔知到有件咁事。咁你話嘞、呢班禮義廉嘅政棍係咪變相鼓厲人家嘅子女繼續往火坑裡跳呢、吓?

2016年2月12日星期五

狂言



黃傘藍遮費事拎
登台扮鬼眼矎矎
天生仰慕條條捹
究竟誰是戇居丁

各位街坊、我係本無前(本地無知前線)嘅揸拂人讓提煌。當你哋聽到呢段錄音嘅時候、我都唔知自己瞓醒未。我哋本無前一班手足在大年初一連利是都冇逗、就跑去幫小販夜市睇場、並且趕走人侵嘅城管、以及打殘架樑嘅巡捕、都可謂千年怨氣都替班小販出埋。但自從坊間陸續傳出不利本無前嘅錄影片段之後、班小販唔止唔感激我哋、反而跑了一個甚麼「講狗新戒飯箱聯會」嘅代表出來、誣衊我哋係破壞社會安寧嘅暴徒。喂喂、咁講法、太冇義氣喇!真係幫嚿叉燒、都好個幫你哋咯!

2016年2月10日星期三

勇武開年



靈猴獻果佢掟磚
今年誓要起鋒煙
締造社會唔得掂
城督作實有牽連

猴年果然唔係平靜之年、就在大年初一晚上十點半左右、本地派之中嘅獅龍會發動了一場勇武保護小販夜市行動、妨礙販管人員執行職務。當捕快接管現場後、大約在零晨時分、群眾便開始鼓譟、繼而爆發騷亂。期間發現有人以小型貨車將一批自製木棒、盾牌、頭盔等裝備運抵現場分發給示威者。有人以硬物撬起行人路上嘅鋪地磚塊、以備攻擊之用。有人在馬路上堆積雜物及放火。有人以棍棒與捕快直接格鬥。有人以武力阻止電視台記者拍攝、其間最少有兩名記者受傷。注於捕快方面就有人被示威者以多欺寡、打個落花流水。有一部只有一名車長的巡邏車被人包圍和襲擊。有捕快中磚倒地、亦有捕快向天鳴槍兩響警告來勢洶洶的示威者。老實講、在下從來見過紫城捕快被示威者揼得咁腍啉冧嘅、呢餐都可謂食到飽晒矣!不過呢班勇武英雄卻變成全城左中右傳媒齊齊譴責嘅過街老鼠、即使燶黨嘅受難可姐姐將件事入晒施威數亦無濟於事喇!

2016年2月8日星期一

恭喜發財


恭喜發財

羊去猴來又一春
馬騮百厭性難馴
逗得頑猴張果獻
運轉乾坤百利臻

各位網友、今日是農曆大年初一、本人恭祝各位:猴年快樂、身體健康、財星高照、大道康莊。

2016年2月3日星期三

點止係經濟自由之都



自由生意我第一
老逗賺錢仔靠乞
先天注定唔生秀
一世英名聽混吉

咱家紫荊城今年是連續廿二年、獲得山姆大叔頒予「世界最自由經濟體」大獎。不過先要講清楚、最自由與最發達完全係兩碼子事。坊間有意見認為山姆大叔應該更慷慨一些、給予紫荊城一個「世界最佳大龍鳳體」大獎才對。據說、城中十齣大龍鳳、包括反證改、反教科輸、反三跑、反豬講馬大橋、反糕鐵、反修地、反黃松、反扣物、反尺化等、無一不是做到街知巷聞、總算不枉“funNGO 一場吖嘛!由此可見街坊嘅要求是完全合理的。既然連龜縮在後面大聲嗌班同學仔打衝鋒嘅痴瘋哥都獲得山姆大叔垂青、頒予一枚「世界第十名瘋暈人物」獎項、若然唱反調唱到撼動天廳嘅專業唱反調團體都不能為本城唱出一個「世界最佳大龍鳳體」大獎嘅話、那就太過說不過去矣!

2016年2月1日星期一

阿姐同你講心痛



阿奇生阿奇
嗌痛不皺眉
大話串連編
拗撬嘴不離

呢嗱、女人係唔係特別容易受傷我唔知、但係容易心痛就剛剛見識過。就在幾日之嘛、城中就有兩位作風強悍嘅女性先後公開話自己個心好痛喎!首先係講府大總管冧井話、紫荊大武館門生嘅衝擊行為破壞社會文明令她心痛。其次就係皇家大鑿梁夢吉嘅高足(門生頭領)梁厲摑姐姐話、總教頭孖啡森譴責參與衝擊嘅同門令她心痛。呢嗱、坊間唱反調人士顯示、以上兩人心痛係假、嬲爆至係真嘅。前者一直唔老like大武館門生整天為她添麻煩、氣得佢嬲爆爆至係。後者眼見班同門笨手笨腳搞到件事弄巧反拙兼累佢孭鑊、而嬲到連暗瘡都標埋出嚟。唉、如果真係咁嘅話、豈不是假到連阿媽都唔認得?