2016年1月4日星期一

三両木鬥三両木



既然未能成一局
惟有劈去三両木
我召天師你招魂
何以人皆一鑊熟

日前大撞黨首領涼茶杰放話、指現屆講督施威委任美國張為大武館長老會頭領、目的就是要搗毀大武館維繫百年嘅食民地傳統、以及打壓所有大、中、小幼武館武術究發自由。最後、涼茶杰強調、施威做得如此霸道、其實已經曝露出其強弩之末嘅勢態。呢嗱、涼茶杰講嘅嘢係真唔係不得而知、但此語一出、自然又會被人話佢係有口話人、冇口話自已。有人直指涼茶杰旨在妖言惑眾、亦有人認為他講得半點都不差。然而、事實又係點嘅呢?

憑肉眼所見、自從前食民地講督肥鵬摺埋幅米字旗、兼執埋個包袱返歸之後、城中大武館嘅教頭機乎都是由親飯盟嘅人物充當。近年飯盟密謀奪取大武館嘅主導權、便發動所有機器試圖將「講督自動當選為大教館總監督」這個百年食民地傳統弄垮。然而、施威亦並非食齋之輩。佢除咗加強對大武館長老會操控之外、亦試圖操控大武館嘅自來水水龍頭、從而將這個終極食民洗腦訓練場嘅操縱權緊握在自己手中。講到呢道、相信係人都知到何以大武館會成為兵家必爭之地矣!究竟為何而爭、為誰而爭、大概都唔須要去問阿貴都知到答案架啦!係嘛?其實普羅蟻民根本上唔得閒去理呢啲嘢、一般亦只係希望有一份收入穩定嘅工作、三餐安樂茶飯、以及一個可以“安心”棲身之所架咋!唔知你哋有冇想過、點解硬係冇人去為大眾爭取這些、而偏偏去為那些令人厭煩不堪嘅政治執拗狗咬狗骨嘅呢、吓?!

13 則留言:

  1. 域兄,你最尾個幾句真係講出好多人的想法!如果搞唔掂民生,哈哈…香港分分鐘好易有乜乜大革命㗎?

    回覆刪除
    回覆
    1. 也許是人們都睇通睇透、政治呢家嘢、無論那邊贏皆對自己都無着數、而不想沾指吧!

      刪除
  2. 「一份收入穩定嘅工作、三餐安樂茶飯、以及一個可以“安心”棲身之所」香港人的心願,但不容易,祝願大家心想事成!

    回覆刪除
  3. 大多數巿民對政治無興趣,但靠食呢條水嘅政棍同CY政權,相對就會樂此不疲!

    回覆刪除
    回覆
    1. 對呀!假如社會太過平靜就失去存在價值矣!

      刪除
  4. 我見紫荊電台嘅例子,就係唔敢落重手,結果成為專咬主人嘅狗。

    回覆刪除
    回覆
    1. 我想、大概係知到寡不敵眾而不敢動手都未定。

      刪除
  5. ★*¨*☾好友♦。゚☆晚上好☁¨✬
    齊齊2Ѽ16繼續❉•ೋ健康快樂
    8:30 我又出門吃午飯。゚你吃晚餐未呢

    回覆刪除
  6. 大多數巿民無知
    故對政治無興趣
    温水煮蛙
    成田雞湯

    回覆刪除
    回覆
    1. 每個人都是有自己主張的、所謂鹹魚青菜各有所好、不參與致治嘅人未見得是無知的。

      刪除
  7. 域兄午安 ,
    啱喇 , 我 d 小民唔得閒去理呢啲嘢 ,
    日出而作,日入而息。鑿井而飲,耕田而食。帝力於我何有哉!

    回覆刪除
    回覆
    1. 華娃兄、你好、

      安定嘅生活就是好生活。人生苦短、能活得開心就是好。

      刪除