揼雞又禁錮
看來太可惡
勿當無厘頭
秘練震天鼓
日前金紫荊大武館又爆發學師仔衝擊事件。據說係代表學師仔出任當然長老嘅大炮因發放流料、撻着咗守在會議廳門外嘅一批火爆同門、而引發起一場集體衝擊。期間總教頭孖啡森和大長老將硬李等數人被困幾粒鐘。雖然學師仔不斷在門外喊將硬李出去對話、但會議廳大門外嘅一對門搊卻被人用掃把柄閂着、裡面嘅人根本無可能走出來。呢嗱、這種手法跟當年戰中期間出現嘅(高舉雙手、口喊和平、雙腳在猛踢對方上下五寸之處)招數猶如同出一轍。雖然宮能界代表孽猿從後飛身撲出來撤賴一切都係長老會嘅錯、但亦不能抹掉有人在非自願嘅情況下被禁錮數小時嘅事實。