由三隻手講起

禮多人不怪

手多實聽拉

若然撐不住

注定要趴街

呢嗱、真係唔講都唔知到、原來紫荊城已經榮升為亞太區店鋪高買之最。報導指出、在過去十二個月裡面、店鋪盜竊行為令城中零售業損失高達48.9億元、而且係歷年之最高。假如將此數攤開由銷費者分擔嘅話、每人須要承擔1,860元。據資料顯示、牛仔服裝、電池、流動裝置配件、嬰兒奶粉這四類產品是最受三隻手歡迎、而三隻手大部份（約84%）是入店光顧嘅客人、共餘16%就係由監守自盜嘅店員、以及行政失誤或從事詐騙嘅供應商所組成。咁搞法、你都咪話唔誇張。

講真啦、紫荊城誇張嘅事真係好多。比喻、身為縣首居然視民憤如浮雲、犧牲基層上樓權利而為地產托市、繼而再為雙非仔和水客大開中門而令基層民生飽受衝擊、終於機乎焫到全民着火。小學雞當街發難責罵爸媽係廢柴、而其爸媽卻真的像廢柴般的棟正喺條街度任憑責罵。高級學府有如爛仔竇、若不是開派對大唱跳老舞粗口歌、就是對校方管理層進行所謂嘅勇武抗爭、簡直當校規冇到、而校規又真係冇到。一雙男女大學生好學唔學、居然學流浪狗當街幹起那顛龍倒鳳嘅玩意來、甚至連十一二歲嘅屋邨塞豆窿都有樣學樣、真係睇到班街坊眼都光埋。狀師公然對民眾講、繼續犯法而無須理會法令、只要事後自首就唔算犯法。身受高等教育嘅學生竟然自毀個人信用、刻意破壞保密協議、偷錄會議過程和將聲帶公開播放、以後當佢出來搵食嘅時候、想搵人信佢都幾難矣！以上嘅林林總總都不是無端端生出來的、一切皆由人們嘅短視和愚昧作促成的。因此紫荊城在世界經濟發展地區排名榜嘅位置不斷打倒蹆、並唔係偶然嘅。