由干預汽車講起

寧願衰多口

切勿亂出手

同人唔同命

撐渡看水流

日前看報得知一名路人見到路邊一倍小型貨車大開中門、於是順手關之。誰知途中被貨車司機截停、並報警指控該路人涉嫌盜取他放有車上的手提電話。雖然當場並沒有在路人身上找到報稱嘅手電、點知一個屈尾十被人以「干擾汽車罪」控之、結果被判罪成。雖然路人獲得紫荊大教館臨床法律教育課程幫助上訴成功、但就要白白坐做了六個星期花廳躉矣！坦白講啦、司機明明係指控路人偷手電、但有關部門在唔夠證告人家盜竊之下、居然告人家干擾部車、都可謂九唔答八喇！

講起九唔答八呢家嘢、我哋祖師爺先至算得上係大行家。就在最近之嘛、辛薑府衙就以「妄評罪」控告一名公家刊物總編。據說該名總編所沙及嘅控罪句括、違反紀律、浪費公帑、疏忽職守、挪用公款等罪、但牌面卻雞乸咁大隻字寫明此君犯下妄評中央方針之罪。由此可見、人在祖家不得對中央指手劃腳、更不得任意批評、否則一切後果由當事人自己負青。明冇？此事令在下想起、日前城中有條茂利公然毀約、並在閉門會議之中偷錄對手講話、然後透過大氣電波揚出街。未知偷錄和泄密算唔算係刑事罪行、亦未知執法衙門是否會提出檢控、但卻顯視出兩地衙門對政治罪行嘅睇法簡直有天壤之別。以本城而言、莫講話妄評縣府冇罪、即使妄屈都冇罪嘅、否則縣首就無須被人由朝問候到晚啦！係嘛？話時話、政治管控呢家嘢若收得太緊又死、放得太鬆又死、總之橫又死、豎又死、真係唔知點死咯。唯獨是手不沾就唔使死、仲可以一面睇馬騮戲、一面嘆雞肶。