小巫見大巫

阿奇生阿奇

水位浸眼眉

早知因是果

何以犯官非

最近號稱泄密小天王嘅大教館門生二馬恩在公廁與金紫荊泄密祖師地窿唐小便相逢、於是有禮貌地向前輩打個招呼。點不知地窿唐劈頭第一句就話二馬恩蠢到連豬都不如。二馬恩登時愕然起來、於是大聲講：“喂、我尊重你係泄密宗師才跟你打聲招呼、你把口使唔使咁臭？”地窿唐反駁：“我泄密是為維護公眾利益、而你泄密係危害公眾利益、彼此層次不同、所以冇面畀。”二馬恩指地窿唐當日在小圈子口水擂台大戰期間泄露行企會機密內容、才是蠢到連豬都不如。但地窖唐卻輕描淡寫的說：“我有腰骨、並已經為那宗蠢事作出咗承擔、所以你無資格同我相提並論。”地窿唐忽然問二馬恩：“你取咗老婆未、如果未取老婆就快啲去取番個、否則有起事嚟你衰硬既。”二馬恩只覺得同呢條友再講落去肯定人都癲、於是嗱嗱聲拉埋褲鍊、連手都唔洗就急急腳鬆人去矣！

講起承擔責任呢家嘢、在下忽然想到梟雄與狗熊兩者之間最明顯嘅分別。梟雄嘅特色就係心狠手辣、而狗熊特色卻是面厚心黑。一般而言、梟雄和狗熊都不會攬責任上身。然而梟雄通常會派代理人出來頂罪、甚至擺埋自己個老婆上台也在所不惜。雖然咁做難免會惹人非議、但總算係敢做敢認吖嘛！比起那些又好事又縮骨嘅學棍、以及那些只管縮在後面煽動他人子女犯法嘅狀棍來說、梟雄實在強得多。事實上、梟雄唔單只對別人狠、對自己嘅親人亦一樣咁狠。梟雄與狗熊共同之處、就是同樣會提出一些不成道理嘅道理來自圓其說、而且絕不會自己跑到監創去。不同之處就是梟雄擺明車馬收買別人替他們頂罪、而狗熊只會用西爪皮去跣到他人攤攤腰、然後自己朵藏在暗角裡偷看着別做他們嘅替死鬼。因此梟雄只會令人痛恨、而狗熊則令人厭惡和鄙視。