2015年10月12日星期一

好頭不如好尾



有着要爭先
人倒勿怨天
錢財裝滿袋
飲水要思源

兩年前、超人集團大老闆老李嘅公子小李涉嫌在大圈違反建築條例、而遭當地衙門檢控、事後老李在小李生日時給他一封大利事作為補償。去年老李在大圈撤資嘅消息不脛而走。今年暑假期間、大圈喉舌不斷指責老李食碗面反碗底、而連日來大圈網民亦齊齊在互聯網上口誅筆伐、並冠以他一個「李較腳」稱號。日前老李終於開口回應事件。他說、不是不想對那些抹黑他的謠言作出反駁、而係唔想在阿爺跟奧黑馬講數期間加添壓力。老李還聲稱自己對十分看好大圈發展、而且很佩服阿爺嘅領導才能、但同時亦指那些攻擊他的文章今他不寒而慄。有人話、老李拿阿爺來話說、委實太過大口氣和過於自負。到底事情又係唔係咁嘅呢?咁就真係見仁見智喇!

早幾日前、素有「吊吊捹」之稱嘅唐少開口撐老李。佢話自己跟老李及一班金紫荊愛大圈生意人、都是在八十年代便開為大圈工商業建設作出貢獻、並為大圈今日能夠發展成為全球數一數二嘅經濟體系而感驕傲。唐少暗示、食碗面反碗底嘅並非金紫荊愛大圈商人、而係那些盲目狙擊老李嘅大圈喉舌。呢嗱、唐少嘅講話嗒落有點異味、似乎仍然念念不忘在上次小圈子擂台大戰之中、阿爺拉閘放狼將他咬到遍體鱗傷一事。唉、唐少呀、唐少、閣下只記被狼咬、但係點解唔諗吓你在阿爺嘅地頭搵咗幾多銀両呢?在下時常講、呢個世界只會對那些非貧非富嘅人唔公平、對於爾等一類富人來說、係絕對公平既、只係有人唔曉得感恩啫!依我睇、假如阿爺檔攤全無投資價值嘅話、恐怕閣下都唔會瞓身落去啦!係嘛?如今阿爺嘅聲勢在國際上如日中天、而閣下份身家亦以倍數暴漲、咁咪各得其所囉、算起來誰也不欠誰。正所謂、合則來、不合則去、還有啥好計算呢?

17 則留言:

  1. 域Sir,商人一向在商言商,邊度好搵就去邊度,無可厚非,而且在共產黨統治下,無法治可言,老李怕一個運動來境况同以前渣甸一様,一鋪淸袋就慘,所以思前想後,都係㨂遷冊。

    回覆刪除
    回覆
    1. 真的,在商言商,有何不對!

      刪除
    2. 對呀、做生意當然係在商言商、只係有啲老八股亂噏當秘笈啫!

      刪除
  2. 財富大過天
    積小靠勤儉
    食腦滾雪球
    跨國在天邊

    回覆刪除
    回覆
    1. 齊齊出老千
      過海便神仙
      今回賺到夠
      你鬧我走先

      刪除
  3. 其實大家都是各取所需,只要看西瓜那邊大就有人懂得埋位!
    昨日的你大家是互惠,記住,世界是會轉的,而今日的你就只是受惠,不要淨說自己曾經付出幾多!

    回覆刪除
    回覆
    1. 世界上就是有種人滿以為全世界都欠咗佢嘅。

      刪除
  4. 我覺得大家扯平,誰也沒有欠誰。那篇文章,如果筆者想藉此擦鞋,那麼得到的,完全是反效果,內容只能反影筆者的小家及愚眛。

    回覆刪除
    回覆
    1. 對呀、既然唔係講心、當然係講心。所謂合則來、不合則去、根本上兩不相欠的。

      刪除
  5. 李較腳這名,總好過三反五反時的善霸。

    回覆刪除
    回覆
    1. 久休生兄、久違了!對呀、時代唔同咗、連改花名都進步咗架喇!

      刪除
  6. 好友♦・゚☼早晨&午安*☁`☀快樂星期二
    - ҈ -•*¨¤❉*´¨⊹我起身嚟 ೋ✱。Ѽ◇。゚
    大家❤天天❤瞓得❤食得❤玩得❤開心萬事得
    ╔═══╗
    ║███║ ┈。゚*°•♩。♪.♬。•:。♫*。.•:。
    ║ (●) ┈♪▄ █ ♬ █ ▄ ♫ ♩ ♬ ♪ ♫ ♩♪
    ╚═══╝
    Ϡ₡۩۞۩ഐ۩۞۩ഐ۩۞۩ഐ۩۞۩Ϡ₡

    回覆刪除
  7. 李較腳這名字很特別呢!

    回覆刪除
    回覆
    1. 呢個係講府話叫法、北方人叫作「你跑跑」的。

      刪除