2015年10月16日星期五

癡瘋狂想曲


番邦捧佢上神台
無奈香江戇夾呆
今日癡瘋挨義氣
滿城花柳為他開

癡瘋哥一心想話去報名參加角逐明年垃圾會議席、殊不知一查之下才知到自己只得十九歲唔夠秤、於是把心一橫索性向法庭申請「撕法覆核」好讓年滿十八歲嘅青年人士都能夠參選。豈料縣衙大總管鄭奶媽卻跑出來放話、自稱從未聽講過社會上有咁嘅急切須求。奶媽咁講法、分明唔畀面癡瘋哥、仲譏諷佢不自量力、妄想改變整個選舉制度去遷就他。呢嗱、如果鄭奶媽真係咁諗嘅話、肯定錯晒嘞。須知到今日嘅癡瘋哥已非昔日嘅吳下阿蒙、而係被山姆大叔捧上世界五十猛人榜、而且仲係排名第十位嘅猛人嚟架!意思係話、後面尚有四十個有頭有面嘅世界級猛人都唔係佢嗰皮。所以鄭奶媽係唔應該妒忌癡瘋哥、而係要盡速修改條例、將參選年齡降至十八歲、如果能降低到八歲就更好。明未?

坦白講、當今嘅垃圾會尊貴各懷鬼胎。呢班人雖然在政見上片到頭崩額劣、但在圖利方面卻是立場一致的。否則又點會讓一條又一條滿布陷阱嘅撥款議案順利過關?當社會上爆發不滿情緒嘅時候、那群尊貴立即七嘴八舌的猛攻縣府辦事不力、但官老爺卻反指錯在有人拉布延誤撥款、而承辨商又威脅材料價格不斷飆升、再唔過水就要停工。呢嗱、就係咁你推下、我又推下、就推到唔知邊個應該付責任喇!蟻民要怨、就只能怨自己唔好彩。難怪坊間陰謀論認為這個騎虎難下嘅情況、係三方勾結所產生出來嘅必然現象啦!今日正義朋友癡瘋哥看不過眼這種愚民伎倆繼續為禍金紫荊、於是振臂一呼我來也!癡瘋哥這種「見異勇違」精神唔單只迷倒眾多妙齡少女、還贏得一大群志同道合嘅待運青年力撐。聽講癡瘋哥第日會連縣首份工都攞埋嚟做、到時首先將低、中、高、以及無上庭所有判官換上架忌冷、繼而將那群老餅尊貴通通掃出行企和垃圾兩會。行企會幕僚改由癡瘋哥領導嘅「學盲之潮」成員和城中所有大教館學徒會坐館級人馬出任。注於垃圾會議席則由「真普損」勝出嘅學徒代表來填補。當一切都部署完畢之後、真正嘅「行企主導」又可以重現江湖架喇!知冇?!

14 則留言:

  1. 俾黐瘋一講,咁就好啦,希望同時也司法覆核一下那些高官權貴,最好四十歲就要下馬,因為佢哋都已搵唔少,如果唔係啲後生又點上位呀?

    回覆刪除
    回覆
    1. 紫荊城嘅學生哥奉行嘅係新共產主義、由佢哋揸拂肯定威過阿爺。

      刪除
  2. 域Sir,舊年我在香江睇新聞才知之鋒小朋友還是黃口小兒,仲未持有成人身份証,攞咗大人身份証都唔夠一年仲要申請司法覆核改例遷就佢競選立法會議員,你話啦香港出埋咁多昂居仔,社會又乜辦法唔分裂。

    回覆刪除
    回覆
    1. Wai 兄、冇辦法啦、誰叫癡瘋哥少年得志呢?剛剛收到料、英吉列嘅牛精大教館邀請癡瘋哥去彼邦巡迴演講。問你服未?!

      刪除
  3. 立圾會均五十七
    共剷中學是共青
    高三畢業拉入黨
    大學本該議員齡

    回覆刪除
    回覆
    1. 垃會派忽得
      包埋去揼骨
      買板唔知埞
      成班去食七

      刪除
  4. 年青人時代嘛,老鬼不要阻住地球轉,應該取消最低年齡限制,改為最高年齡限制在30歲以下才對。

    回覆刪除
    回覆
    1. 好提義、最好就由八歲開始當縣首。

      刪除
  5. 無錯!我都讚成樓上網友嘅論點!計我話就算夾住尿片,夠胆參選,就完全無問題!只要佢識得掟野,夠胆狗噏,已經符合資格喇!大家有目共睹,垃圾局班議員夠係成年人喇,結果做到啲乜出嚟?咪狗噏同掟野!肥仔恩三十歲左右已經成北韓偉大領袖,如果十歲八歲喺香城可以成為議員,肯定成為香港人之光!

    回覆刪除
    回覆
    1. 對呀、話明係垃圾會、當然聚集垃圾架啦!呢啲叫垃圾之光吖嘛!

      刪除
  6. 在香港以外的人為港事指手劃脚
    針又拮唔到佢地
    咪可以大講風涼話囉

    回覆刪除
  7. 謝謝分享,祝週二快樂!

    回覆刪除
  8. 香港的乜大勿大同學在學期間必先學會參與校政,出來社會參加市政自然水到渠成.

    回覆刪除