2015年9月14日星期一

由噓國歌講起



一噓訴心聲
剌激腦神經
不怕前無路
獨怕後追兵
 
日前城中一群球迷在一場國際足球賽事之中、拉開一條寫着「我哋係金紫荊」嘅橫額、並且集體噓國歌和掟物件、結果被當值監場人員寫入報告內、並引起世界足聯(世聯)關注。據說世聯可能會判罰下一場比賽齋踢、即係禁止球迷入場觀看咁解。人們只把眼光集中於世聯是否會這樣做、而忽略咗噓國歌球迷嘅動機。以當時情況看來、是一群有心人利用國際賽事這個平台去宣示自己嘅政治立場。相信無論是判罰齋踢、抑或係取消本城舉辦賽事嘅資格、對他們來說都是無關宏旨的。因為他們旨在宣傳「講獨」吖嘛!


雖然噓國歌球迷被視為講獨主義者、但講獨這種思維係唔會無端端走出來的。基本上、若不是內地與紫城兩地嘅價值觀存在著嚴重分歧、若不是雙方都有人急着要把自己嘅一套價值觀向對方硬銷嘅話、相信社會上就唔會有咁多矛盾。矛盾就是爭鬥、有爭鬥嘅地方就會有極端主義嘅出現。紫荊城當然唔會例外、講獨亦就是這樣應運而生。相信人們都心裡明白、紫荊城根本上係不具備獨立條件的。因此講吓則冇所謂、但來真的就必死無疑。也許你可以不承認、但事實擺在眼前、假如紫荊城失去天朝支持嘅話、就等同失去了生存空間。講到被同化呢個問題、更加係無可避免的。試問世界上有那一個政權、能夠包容一個與國家所奉行嘅政治制度格格不入嘅城市?據我所知、即使係世界民主老大山姆大叔都辦唔到。你有否想過、點解當年朝廷只提出讓紫荊城五十年不變、而唔係五百年、亦唔係五千年呢?當五十年過去後、紫荊城又會係點樣嘅光景呢?看來、畫公仔無須畫出腸啦!係嘛?因此人們硬着要以卵擊石只會帶來災難、只有從妥協之中找到出路才是王道。在下所講嘅妥協並不是針對廷朝而言、而係針對紫荊人自己來講。因為與朝廷硬碰硬、由始至終都唔係紫荊人嘅主流意願吖嘛!明白未?!

14 則留言:

  1. 明知冇可能港獨,咁就有咁大做咁大。
    來去都係想搵著數啫,唔得掂咯咪一走了之!

    回覆刪除
    回覆
    1. 其實大家都知到講吓就得、做起來就冇可能架喇!

      刪除
  2. 對佢地可能無關痛癢,不過會令佢地的支持者再思考。

    回覆刪除
    回覆
    1. 對呀、目前已經出現咗咁嘅情況了!

      刪除
  3. 紫荊城又點會過到五十年呢 !?

    回覆刪除
    回覆
    1. 紫荊城唔單只可以過五十年、甚至五百年都冇問題。問題只係出自人門身上而矣!

      刪除
    2. 北京抽乾地下水
      快地陷了
      煙霾嚴重
      人是住不了
      共产党就......

      刪除
  4. 有部份人覺得社會欠咗佢哋好多,亦唔抵得人哋有錢又過住安穩日子,咁咪一拍兩散,出嚟有咁激搞咁激囉!

    回覆刪除
    回覆
    1. 其實這個情況才真真正正的走向共產主義。

      刪除
  5. 「講獨」真是發夢!靠外援,靠山姆駐軍?變咗沖繩與菲律賓,結果極不理想。

    回覆刪除
  6. 損人不利己, 罰錢邊個俾?

    回覆刪除
  7. Louis 好~
    多謝詳盡分享!
    今天天氣不錯,願假日愉快!( ̄▽ ̄)

    回覆刪除