2015年8月24日星期一

攴嘢奇談



先生教學我走堂
攬著阿嬌去洞房
點知半途失路向
惟有就地嵌一樁

呢嗱、我哋紫荊城嘅大學生認真係乜都出位過人嘅。吓、乜嘢咁駕勢?之唔係同女友在行人路邊當眾搞魚水之歡囉!不過請聽清楚、我講緊嘅唔係揩大咗嘅忽仔、忽妹、而係紫荊城高上學府嘅大學生。月前一對男女大學生在慾火攻心之際、連租用時鐘酒店都嫌費事、便將行人路邊當作新房、就地大幹起來。登時睇到過路嘅街坊人人心癢癢、個個眼甘甘。後來還被人將條片擺上互聯網供諸同好、真係唔知到當佢哋嘅爸媽睇見之後有何感想矣!在早幾日前又有一對人細鬼大嘅男女小學生、在公屋後樓梯上演顛鸞倒鳳、而且還有另一名男童用手機在旁拍攝。依我睇、假如唔係驚動咗大廈保安報警嘅話、那段片分分鐘紅爆互聯網。呢鋪都可謂攴嘢無大小、最緊要啱橋咯!

喂喂、有冇人可以話畀我知、究竟紫荊城發生緊乜嘢事、點解爆親呢味嘢都關學生嘅事?血氣方剛嘅大學生就話谷精上腦、把腦袋沖昏才會色膽包天啫!兩個十一二歲嘅小學生都谷精上腦、會唔會早咗啲呀?不過這也難怪、近年城中學校不時爆出鹹濕教師搞女生嘅醜聞、最近更驚聞連男學生嘅後欄都唔放過。試問呢類咁嘅教師又點會話唔教壞學生呢?有跡象顯示近年來、這類風化案有上升趨勢。教育界實在有警惕和反省嘅必要。你可以唔認、但本地教師質素良莠不齊已經唔係新聞。今日學校只著重教書而輕視德育培訓、萬一畢業後嘅學生又加入教師行列嘅話、佢哋嘅質素將會係點、大概大家都有眼見啦!係嘛?紫荊城教師薪酬之高、排在世界先列、質素又是否能夠睇齊卻是個問號。唔係我要潑冷水、當今各級校園都受到政治風氣薰染、學生被鼓厲參加政治活動。假如再係咁發展落去、城中嘅高薪厚職遲早益曬內地大學生、到時別埋怨人家來搶飯食喇!知冇?

12 則留言:

  1. 一句講晒,飽暖就會思淫慾,呢啲係唔係環境寵出來呢?真係世風日下冇眼睇咯!

    回覆刪除
    回覆
    1. 今日大學生嘅素質已經今非昔比矣!

      刪除
  2. 只要大家將道德標準稍為調整一下,咁就可以當乜事都無發生架喇!

    回覆刪除
  3. 所謂世界輪流轉,十年河東,十年河西,紫荊城和內地比都威左唔止半個世紀啦,所以到呢一代人,咪同你倒下米,應驗下乜野叫物極必反,亢龍有悔。

    回覆刪除
  4. ◇・゚゚♦好友*.•✫•*¨天天早午晚安好喇喂*☁。゚。.`☀
    放心呢•我唞足精神無咁辛苦•好番會上網回覆大家啊

    回覆刪除
  5. 現今學生飯來張口,吃飽就讀書啦!佢哋就飽暖思淫慾!

    回覆刪除
  6. 全世界做老師和議員都是個好的職稱,尤其是香港,薪高糧準,學生即是米飯班主.唔通倒自己米咩, 剩係聽過要做個榜樣之嘛.咪做囉.

    回覆刪除