2015年7月10日星期五

劣戲一齣



賊過後興兵
分明係搵丁
鬧極無新意
見者眼矎矎

俗語有講、怪事年年有、今年特別多。在人民公社上演嘅「三司會審皮佬禮」鬧劇裡面、替疑犯辯護嘅狀師竟然係案中被指收受利益機構嘅話事人藥媚。劇中商人皮佬禮被指控、去年將一批價值六百萬両白銀嘅金山特產花旗柑送給大撞幫、作為該幫力撐「和尚打傘」嘅謝禮。之不過、身為大撞幫話事人嘅藥媚、居然無視瓜田李下當起皮佬禮嘅狀師來。據藥媚解釋、被指收受花旗柑只係大撞幫又唔係佢本人、所以佢嘅身份並不存在利益衝突問題。呢嗱、三司呢頭指責藥媚嘅解釋唔知係乜嘢標準、嗰頭又接受佢嘅解釋、並容許佢繼續當皮佬禮嘅辯護狀師。你話嘞、咁仲唔係劣戲、唔通係好戲咩?

講到標準呢家嘢、在今日嘅公社裡面乃係人皆有之。其實在這個道理不在人心、公義全仗實力嘅世界裡面、誰的拳頭夠硬、誰定下的就是標準、而且標準是隨時隨地都可以更改的。你不能視之為雙重標準、因為這是多重標準、而且係強者專有權利、弱者只能服從。不過無論點睇、莫講話係區區藥媚、即使係泛盟都唔見得係強者。他們之所以能夠為所欲為、全憑背後有個拳頭大過沙煲嘅大佬照住。你可以話藥媚係狐假虎威、但別忘記如果隻老虎唔夠惡嘅話、就唔會連阿爺都要賣佢怕啦!係嘛?因此、別妄想這趟審訊會有突破、在痛腳互捉之下、極其量亦只是高高舉起、輕輕放下而矣!咪被我睇死、到頭來公社啥也查不出來、只能交代一句「遺憾」便落幕散場。注於皮佬禮和分柑五人組、相信連頭毛都不會失一條。

坦白講、如果有心要對付那些涉嫌行為不當嘅公職人員、應該告上清天衙門由法律加以制裁。試問使乜自己粉墨登場、扮鬼扮怪咁辛苦呢、吓?

21 則留言:

  1. 係囉,乜呢壇野唔係由反貪衙門查緊嘅咩?

    回覆刪除
  2. 。・゚゚・。。゚*★º°¨♦好友•`瞓覺呢☁°✬晚安☾º°¨✫
     .∧_∧
     ( ・ω・ )
     |⊃/(___
    /└-(____/
     ̄ ̄ ̄ ̄ ̄ ̄
    ┈Zzz┈甜夢安睡┈Zzz┈

    回覆刪除
  3. 早晨!劣戲唔好睇,開開心心過週末!

    回覆刪除
  4. 域Sir,狀師的分別,叻的,死都嗌番生兼得堂費,差的,叫客認罪求情輕判。

    回覆刪除
  5. 劣戲頻頻有, 大家都無興趣了!

    回覆刪除
  6. 又點解冇人去圍呢一班尊貴?
    有時感覺而家嘅環境真係有理說不清,惡人大晒,惡人當道!

    回覆刪除
    回覆
    1. 原因就係夠爛、凡冒犯者必遭圍攻。咁搞法、當然冇人敢去惹佢哋啦!

      刪除
  7. 正如某人當年質問對手僭建
    原來自己一樣僭建
    咁就証明可以「知發」又「飯發」啦

    回覆刪除
    回覆
    1. 五十步笑百步就係今日紫荊政壇寫照。

      刪除
  8. 天下烏鴉一樣黑,馬騮戲每日都在演。

    回覆刪除
    回覆
    1. 更重要嘅就係、有王管等同冇王管吖嘛!

      刪除
  9. 唔明白點解送蛇齋糉宴又唔算利益收授?

    回覆刪除
  10. 域兄,算喇,班戲子無收我哋入場費嘛!所以得閒咪睇吓,當消磿時間囉!正如上星期某白鴿黨員,話在席上林鄭,鬍鬚曾同曾鈺成,政治智慧都比CY強得多,問CY會唔會連任?呢個白鴿黨員唔知噏乜?我就睇唔到佢話嗰三條友有乜政治智慧喇!原先我對曾鈺成都有少少期望,但WHATSAPP一事,已經令我對佢嘅睇法。至於林鄭同鬍鬚曾,只是一個高級公務員,加入政府無非係想要一個平平穩穩嘅生活,任職咁耐,都係執行港督同特首命令。在宣傳政改一事,得出反效果!唔通咁重算有政治智慧?

    回覆刪除
  11. ......已經令我對佢有睇法......至啱

    回覆刪除