2015年7月31日星期五

當講惡已成習慣


鬥垮兼鬥臭
人衰冇藥救
越反越橫蠻
兒子打老逗

紫荊大教館任命副館長風波越鬧越大。日前大批學生包圍及衝擊大教館議事廳、並造成館委受傷、繼而又有人在停車場圍堵館委狂罵半小時。更不堪嘅就係、當館方召來警察解圍時、學生會居然本末倒置的指責警察進入校園打壓學生、事後還要在電台聲稱他們只是以武制暴而矣!但有館委不甘當政治靶子、而馬上宣布辭退館委之職。呢嗱、呢群學生之所以如此斗膽、大概是受到「和尚打傘」一役嘅薰陶。當時紫府不敢以強硬手段對付示威者、令他們認識到只要堅持有前冇後打死罷就嘅決心、當權者就會退縮。今次事件顯示「以武制暴」已經成為年青一代嘅金科玉律。

2015年7月29日星期三

由執錢講起


以為執到寶
誰知衰運到
遭人拉審押
就此廢前途

從前我哋紫荊人有句老話叫作「地上執到寶、問天問地擺唔到」、之但係到咗今時今日仲係咁諗嘅話、肯定一身蟻矣!幾個月之前有幾個懵盛盛嘅鏢師押着大批銀両在高速官道邊走邊跌錢都唔知到、令到途經此道嘅其他人士以為天降橫財齊齊執豆咁執。但勢難想到今次並非天降橫財、而係天降橫禍。原來、他們的一舉一動都被巡捕房嘅千里眼睇得一清二楚、甚至連相都影埋。結果巡捕房將拾遺者逐一拘捕、再交由刑部衙門判以偷竊鏢銀之罪、然後打入大牢。就係咁、大好前途即成泡影矣!

2015年7月24日星期五

炒魷風雲


你傳我又傳
唔知方定圓
圈中無喜訊
大話當真言

江湖上不斷流傳繼統戰部頭領掙七成和組織部頭領戥你威兩人被炒之後、下一名被炒者將會是飛鴿部頭領咭蘇、並形容今次事件係施威為連任城主所作出部署嘅一部份。不過圈中耳語、施威手上有一份候炒名冊、除了咭蘇之外還有其他部級和副部級頭領、甚至連三大總管之中也有一人嘅名字出現在名冊之中。據說該名冊是由施威起草再由阿爺親自拍板的、相信誰也阻擋不得的。

2015年7月22日星期三

世事如棋


你說我奸不是奸
吃罷終歸要埋單
錯在頻頻失預算
關門隱事也艱難

呢嗱、我在前兩編文章剛提到衙之中有幾隻水蟹沙嫌騙取病假、並跑到佔領區當皮佬禮保鏢而縣太爺卻毫無反應、話口未完昨日衙門在毫無先兆之下宣布解除統戰廳廳長掙七成、以及組織廳廳長戥你威兩人嘅職務。據路邊社社論顯示、以其炒一不如炒二。因為獨炒老戥嘅話、反對派必然會大造文章指責衙門迫害忠良、但連同穿紅褲子嘅七成大叔一起炒就可以塞住悠悠眾口。更妙嘅就係兩位廳長均表示、係自己炒自己魷魚嘅。話時話、掙七成年近古稀須要退隱尚講得通、但戥你威尚未到花甲都話要退隱就有點牽強。佢哋咁講法、唔知你又信幾多成呢?

2015年7月20日星期一

自作業



寧願同閉翳
拒絕齊富貴
損人不利己
注定窮一世

據縣太爺施威講、設立科技廳是要為紫荊城工業開拓一條新出路、但飯盟卻不理三七廿一拼命刁難。日前標童盟一哥飯爺在人民公社指出、設立科技廳等同將金紫荊融入內地、目的是要拿咱家的優勢去貼人家。宮能組嘅奶缸大叔亦不視弱、他形容科技廳是電腦病毒。然而燶盟大佬雀人卻以縣府不准神童電視台掛牌為理由直指施威才是電腦病毒、仲話主機不換就會蠶食創新喎!呢嗱、相信腦袋唔係生錯位置嘅人都心知肚明、禁止神童電視台掛牌嘅並唔係施威呢個芝麻綠豆般大嘅官架啦!注於誰人才是真正嘅主機、大概唔使講出嚟啦!係嘛?換主機?咪傻啦!從以上嘅講話就聽得出、飯盟之所以拉布就是要跟施威過唔去。咁即係話、有死金紫荊死、搞垮施威就收工食幾味。明白未?

2015年7月17日星期五

框架的疑惑



有框無框都是框
臭花凝聚臭草甖
既是規則由我定
誰敢落鑊我敢烹

白鴨幫剛剛宣布將老將阿黃驅逐出幫會、理由是他公開唱反調令到幫主瞓街姐唔高興。呢嗱、姑勿論白鴨幫是否不能容納不同聲音、但幫主果斷清理門戶的確能夠起殺雞儆猴作用。相比之下、金紫荊揸拂人施威眼巴巴的看着自己手底下幾隻水蟹爬上岸跟除李工頭去瞓街、甚至有人涉嫌呃病假跑到佔領區當皮佬禮保貼身鏢都不敢揸正來做、簡直係英雄與狗熊之比喇!喂喂、施威呀施威、如果閣下做這份工做得唔耐煩嘅話、不如讓個位出來、由瞓街姐去做好過啦!

2015年7月15日星期三

衰鬥衰



你要我衰不獨衰
好歹拖你去埋堆
既然不可同歡樂
惟有背後插一錐


俗語有講、好就糠黐豆、唔好就水溝油吖嘛!大家有商有量就能將臭史密冚、即使冚不來亦可以處理得平順一些、將負面影響縮到最小。相反、就將件事有咁大鬧咁大、總之係都要搞到天翻地覆才過引。呢嗱、正當飯盟機乎衰到貼地之際、忽然又峰回路轉了!日前飯盟嘅烏雲師太收到密報指、亂制派火雲師太夫家在城中出售嘅水煲含有危害健康嘅重金屬、於是馬上派人追查、結果證明確有其事。因此烏雲馬師太上公開此事、並要求縣府立即徹查。殊不知縣府開始時卻顯得有點像猶抱琵琶半遮面咁款、但隨後又發現原來部份水煲不單只含重金屬、而且還含有一種致命嘅「下崗兵病」病菌、於是不敢怠慢馬上做嘢。看來、飯盟雖然聲名狼藉、但今回有亂制派和縣太爺落鑊相伴、那就不愁寂寞啦!

2015年7月13日星期一

暗戰


看似勢洶不是洶
紅家本來路暢通
爾推洪水將吾淹
我必趕你入胡同
 
江潮傳聞顯示、近日上開幫在祖家股票市場興風作浪、一為搶錢、二為搗亂阿爺檔攤。但據圈內人指出、從表面看外資在祖家股票市場所佔比例甚低、是無能力打亂整個股票市場、但如果有內應幫助之下、環境就絕對不同。據說在自從兩週前開始、上開幫人馬跑到阿爺開設嘅紅股賭坊、並在沙蟹賭桌上挑戰阿爺。由於上開幫是有備而來、一開始便鋪鋪晒冷把阿爺殺個措手不及、以致賭坊嘅銀両如倒水般的倒入挑戰者嘅口袋裡去。由於坊間有謠言指阿爺可能會輸掉紅股賭坊、以致賭坊股票持有人急速沽貨。再加上番邦大鱷在這場豪賭之中搭上開幫嘅順風車、使得紅股賭坊嘅形勢變得更加嚴峻。

2015年7月10日星期五

劣戲一齣



賊過後興兵
分明係搵丁
鬧極無新意
見者眼矎矎

俗語有講、怪事年年有、今年特別多。在人民公社上演嘅「三司會審皮佬禮」鬧劇裡面、替疑犯辯護嘅狀師竟然係案中被指收受利益機構嘅話事人藥媚。劇中商人皮佬禮被指控、去年將一批價值六百萬両白銀嘅金山特產花旗柑送給大撞幫、作為該幫力撐「和尚打傘」嘅謝禮。之不過、身為大撞幫話事人嘅藥媚、居然無視瓜田李下當起皮佬禮嘅狀師來。據藥媚解釋、被指收受花旗柑只係大撞幫又唔係佢本人、所以佢嘅身份並不存在利益衝突問題。呢嗱、三司呢頭指責藥媚嘅解釋唔知係乜嘢標準、嗰頭又接受佢嘅解釋、並容許佢繼續當皮佬禮嘅辯護狀師。你話嘞、咁仲唔係劣戲、唔通係好戲咩?

2015年7月8日星期三

安屁詐醉

真醉假醉也是醉
酒後吐出驚人句
看似拳頭打爆石
查實心驚膽亦脆

各位、唔知你哋有冇見過一個國家元首居然會在傳媒面前飲醉酒、並自己踢爆自己嘅驚天大陰謀呢?如果未見過、今次不防見識一下啦!日前有一份扶桑周刊踢爆安屁晉三與一群親「痔民黨」記者摸杯底時、自爆他與奧黑馬聯手在南海滋事、目的就是要迫使天朝開戰、藉此將天朝打至倒退三十年、到時扶桑和花旗方可安枕無憂。不過當安屁講完那番話之後、他的隨從立即向在場記者發出警告、誰人膽敢把安屁嘅講話外泄、一切後果自負。果然、扶桑報章隻字不提、但沒有受到邀請嘅周刊就唔理否七廿一、將安屁酒後吐真言公諸於世。

2015年7月6日星期一

紅家安全法



喊打又喊殺
當然要立法
既要稱英雄
何必怕法辣

朝廷剛剛通過咗一條紅家安全法嘅法案、雖然此法並不會在紫荊城特別行企區執行、但已經令到以枝離會二頭領雀人大哥周身唔安樂、並且擔心該會頭目回鄉探親時會出事。因為枝離會開宗明義就是反對一家獨大(即係反紅)、所以雀人大哥第一時間飛身撲出來、要求法政部部長四眼猿講清楚、究竟該會頭目回鄉探親時是不是會拘捕。其實唔使問阿貴都知到、呢條紅安法是為所有反紅嘅天朝子民而設、而不是用來針對地區、但也不能排除對紫荊城是帶有特別含義的。江湖上早有傳聞指出、當紫改被否決之後阿爺就會關上與泛盟直接溝通嘅大門。換言之、還鄉者是否會被拘捕、那就要看看其人是不是阿爺邀請嘅嘉賓。那即是說、當雙方關係良好嘅時候是不會有人被捕、但在劍拔弩張嘅時候就好難講矣!

2015年7月3日星期五

如此陳四姑

平時脷刮刮
月咬九萬八
大話說風涼
吹水嘴唔抹

呢個世界上有人為兩餐挨到隻積咁、但挨來挨去都係得個吉。之但係、卻有種坐享太平糧嘅人、終日抱着“寧望人閉翳都唔望人富貴”嘅心態過一生。日前那位江湖人稱「齋講良心」嘅陳四姑剛剛獲得食糧署加薪6.1%、但連錢都未袋暖又跳出來跟縣政府唱反調。人家縣太爺剛剛至話要集中力量先搞好民生、點知那唯恐天下不亂嘅陳四姑卻與泛盟互相呼應、話應該先解決政治問題。呢嗱、之前搞到紫荊城雞毛鴨血嘅政治問題啱啱至停下來、現在紫荊人連條氣都尚未唞順、那見鬼嘅陳四姑居然又喊再來一次、難道還嫌紫荊城死唔去乎?

2015年7月2日星期四

七一大縮水


買大偏開小
才知上錯轎
若然香火缺
遲早逐出廟


今年七一唱反調大遊行剛剛舉行完畢、主辦單位公布有四萬八千人參加、而巡捕房則紀錄得一萬九千人。從以上兩組數字可見、今年參加遊行人數比去年急跌九成、亦是歷年來第三低水平。不過戰中廷教頭卻解釋、參加人數少並不代表市民放棄民主。冇錯、市民的確不會放棄民主、但卻會放棄自己所支持的政黨。須知到七一大遊行一向被視為是泛盟向阿爺晒肌肉、但今次卻晒燶咗自己。別看泛盟嘴頭說得硬、其實他們都不知幾擔心下次冇得留低的。