2015年6月8日星期一

肥懷係炸彈(二)

以為妙着有揸拿
誰知陰溝碰掉牙
今日對頭施巧計
惟有落地抓把沙

呢嗱、在下於前文(肥壞係炸彈)講過、肥懷單畸屎在未來三個月裡面必有好戲連場、當下果然上演第二集。在峰迴路轉之下、本來形勢大好嘅阮閑忽然發覺自己經墮入對手所設嘅天仙局都唔知、呢鋪都可謂老貓燒鬚矣!當日阮閑一手抓緊肥懷單畸屎滿以為可以先給飯盟兩大社福屆師爸(托柱和漂紅)每人一記耳光、然後再在來屆大選發動幫眾全力擊敗他們、但勢想唔到自己在踩過界之同時、亦踩着人家準備好嘅西瓜皮。難怪當日托柱和漂紅兩人明被人兜巴摑面都唔不發一聲、原來佢哋係等睇戲嘅。

江湖傳聞指肥懷外婆所講嘅係涉嫌預設對白嚟嘅。佢唔止利用記招這個平台去老點街坊搏同情、當事敗之後更加反過來指責阮閑放她兩婆孫飛機。她指有人在冧鎮準備好一部房車送她兩婆孫返歸、點知途中聞得司機話奉命將他們送去冇雷公咁遠。幸好司機總算還有點人性、在她威脅要跳車之後就半途停車放走他們、否則後果難料。看來今次阮閑偷雞不成蝕把米、不止自己弄得一鼻子灰、最大鑊嘅就係連累埋公園會個招牌都噏噏槓吖嘛!

俗語都有話啦、做嗰行、尊嗰行吖嘛!做工棍就唔好去理杜棍嘅事。一個外行人貿然去踩人家「老行尊」嘅場無疑係班門弄斧、那又豈有不出洋相之理?不過別以為這台戲到此為止、相信日後還有更驚人嘅發展的。信不信由你

14 則留言:

  1. 白首阿婆
    去自首
    工首阿婆
    去賣躉

    回覆刪除
  2. 好友★・゚´*♦晚上好囉・゚☾.• ✬´*☁
    快樂的心情超咁快又一星期開始

    回覆刪除
  3. 呢壇野睇到我烏下烏下,總係覺得唔合情理邏輯,經你解話後好似解開左個結。

    回覆刪除
  4. 那句「那管他人瓦上霜」雖然係自私,但喺自私成性嘅民族又真是至理名言!
    其實我唔係踩呢句話的同類,我覺每個人都自私,社會才沒衝突才有進步,因為大家都好專心嘛!

    回覆刪除
  5. 心裏心裏有個謎,,,,難解又難計,,,,

    回覆刪除
  6. 其實而家社會嘅事
    都似一場戲接一場戲

    回覆刪除
    回覆
    1. 有些戲做得真、有些戲做得假、人生何嘗不是一齣戲?

      刪除
  7. 政棍為咗爭取選票,爾虞我咋,無所不用其極!總之喺競選前,互相抹黑,已經見慣不慣!如果俾人成功跣低,只好怪自己心思唔夠慎密!

    回覆刪除
    回覆
    1. 其實大家搞來搞去都離唔開利益二字....

      刪除