湯渣跳船記

免惹一身孱

惟有另築壇

若問何所指

快閃冇麻煩

一向堅持若推翻紫改等同贏今天輸明天嘅大撞幫創幫元老湯渣宣布脫幫、並將於五個月後辭退公社代表之職。消息一傳出、江湖上就有陰謀論直指湯渣咁做是要搞變相公投。但問題是、咁做對湯渣未見得有何好處。記得在紫改表決之前、白鴨幫過氣幫主鐵頭曾經大肆宣傳、在表決之後就將自己嘅公社議席拋出來搞一趟全民公投。不過到了關鍵時刻鐵頭忽然縮沙、並且死攬住份工唔放、計劃亦就此告吹。據圈內人分析、鐵頭之所以出爾反爾、無非是算過度過之後發現是有蝕冇賺之故。況且今次湯渣並無吃回頭草嘅意思、故不應與個人利益拉上關係。由於按照牌面看來、就算泛盟能夠成功奪取這個議席、在本質上並無任何得着。相反、失手嘅話、在未來嘅分組點票方面必吃大虧、而利益將盡歸建盟所有。因此又有人指湯渣要損人不利己的去靠害泛盟矣！真係咁都得？

據路邊社報導、湯渣退出大撞幫並非單純只為不滿該幫越來越趨於激進化、更不單只是因為與幫中兄弟意見分歧而被孤立、而係因為不想與本地派拉上任何關係。明眼人必定看得出、大撞幫頭目巫姑與具有濃厚本地主義色彩嘅奀童門門主飯殼二人私交甚篤。兩人亦曾經為反對自由行而聯手在旗杆區上演街頭劇「拖篋漫步」去醜化內地遊客。雖然並無明顯跡象證明另一名重心人物涼茶是與本地派有聯繫、但在他的言語之間已經不止一次的流露出偏袒本地派人士嘅跡象。再加上傳聞指他以飯桶會老大身份在反對紫改期間、多次以發動集體表態方式將泛盟成員牢牢的綑綁在一起、而本地派亦在外圍不斷以納喊形式和應。試問這麼樣的一唱一和又點會不惹他人聯想？總言之、以當今之勢看來、自從「戰中」一役之後、政治道德高地已被激進本地勢力佔據、而一眾泛盟老江湖已經被一群激進嘅初生之犢牽着鼻子走、以致內部矛盾不休。據說大撞和白鴨兩大幫很快就會爆發跳船潮。信不信由你。