2015年6月26日星期五

一不做二不休



以為扶手棍
誰知攞命籐
一人搞破壞
破壞非一人

建盟班友仔都可謂黑開有條路、呢邊廂剛剛至話甩轆甩到狗咬狗骨、嗰邊廂班友仔在紫改表決前嘅一系列手機短訊爆通全城大街小巷。最弊家伙嘅就係、連公社坐館信六成暗中跟他們通消息嘅事都被公開吖嘛!雖則話、泛盟礙於人手短缺所限、根本不能派人去取代信六成登上公社坐館寶座、但無論如何信大哥嘅信譽最多也只能剩下二成而矣!咁即係話、信六成難苦經營才能夠豎立起來嘅包青天形象、不得不就此報銷。注於話、究竟邊個人對自己友落咁重手、那就不得如知喇!

甩轆事件已經令到阿爺冇晒「飛屎」架嘞、但礙於現實環境所然、既不可將班友推出午門斬首、又不能霎時大換血、惟有投鼠忌器擺幾圍和頭酒、希望班人一團和氣。殊不知居然有人不識抬舉斗膽剃阿爺眼眉、將建盟秘密短訊大公開。試問如果阿爺繼續坐視嘅話、怎能服眾?不過坊間亦有一則傳聞指、本來是有人希望藉着短訊曝光話畀阿爺知、甩轆事件純屬相互協調不足而產生的意外事故、而不是有人耍陰謀手段。但係卻在有意無意之間踢爆信六成身為公證人竟然向某一方通水、又唔覺意將建盟內部拉幫結黨嘅醜態都揚晒出來。咁搞法、即係請阿爺食「兜巴扯麵」嘅啫!難怪連西廠嘅明大總管都嬲到震晒咁款啦!

依在下睇嚟、呢單嘢似係陸雲霆睇相、唔衰攞嚟衰多啲。甩轆事件足以反映出建盟內部鬥爭鬥到因私忘公、亦正明有人未能及時在大局與私利之間作出取捨、才會在電光火石之間搞到一敗塗地。再加上籠裡雞作反爆大鑊、阿爺更加肯定單靠顧傭兵護法實非長久之計。相信今後阿爺用人勢將更加緊慎、若非親兵休想坐上金紫荊揸拂人寶座。聽講話、上大已經下咗一道密令要在紫荊城洗太平地、並即將派遣防疫專家到來把衙門內外的那些蛇蟲鼠蟻通通杜清光為止。


9 則留言:

  1. 中央委任
    黑凸手
    有no.有錢分
    排隊收維安費

    回覆刪除
  2. 梅菲定律話俾我地知,世事既野,可以有幾衰,就會有幾衰發生喺身上嘅,建仔嘅事就又一次證明喇。

    食得咸魚抵得渴,坐得個位點止隨時會冇飛屎,大家放飛劍,明刀暗槍,唔覺意放料俾傳媒射錯人,我咁蠢都唔信啦,睇下佢有幾把炮,應付來緊嘅局面,而阿爺又有幾多功力去洗太平地。

    回覆刪除
    回覆
    1. 在下也想看看此事將向那一方發展。

      刪除
  3. ೋ✱好友。・゚゚・❉甜夢♦・゚晚安☁

    回覆刪除
  4. 杜哂啲蛇蟲鼠蟻
    跟住換哂紙版公仔
    可能仲安全

    回覆刪除
    回覆
    1. 就今冷事件看來、阿爺都要妥協矣!

      刪除
  5. 班友走埋一齊無非為咗利益,呢啲謂之烏合之眾,做事甩轆,見利忘義,各懷鬼胎,我一啲都唔覺得出奇!

    回覆刪除
    回覆
    1. 所以話啫、政棍靠得住、乜乜會上樹矣!

      刪除