2015年6月29日星期一

鬥來為乜?



唔理中定奸
好醜要埋單
勞神兼壞氣
執到喊一餐

紫改方案剛被否決之際、涼茶大叔急不及待的大叫盡快重啟五部曲。紫荊城果然是一塊見鬼之地、那個甚麼方案明明是一敗塗地、而且累到班街坊雞毛鴨血收場。其實大家都有眼睇、這方案在紫荊人之中翻起前所未有過嘅矛盾、當中有人為了堅持一己政見鬧得兄弟變仇人、甚致連親戚、朋友、甚至同事都鬧翻了臉、但到頭來卻是白鬧一場。試問、我們的社會何曾如此分裂過?到了這個時候、理應讓紫荊人停下來好好的去想一想日後條路應該點走才對。試問又何必急着要相煎呢?

2015年6月26日星期五

一不做二不休



以為扶手棍
誰知攞命籐
一人搞破壞
破壞非一人

建盟班友仔都可謂黑開有條路、呢邊廂剛剛至話甩轆甩到狗咬狗骨、嗰邊廂班友仔在紫改表決前嘅一系列手機短訊爆通全城大街小巷。最弊家伙嘅就係、連公社坐館信六成暗中跟他們通消息嘅事都被公開吖嘛!雖則話、泛盟礙於人手短缺所限、根本不能派人去取代信六成登上公社坐館寶座、但無論如何信大哥嘅信譽最多也只能剩下二成而矣!咁即係話、信六成難苦經營才能夠豎立起來嘅包青天形象、不得不就此報銷。注於話、究竟邊個人對自己友落咁重手、那就不得如知喇!

2015年6月24日星期三

湯渣跳船記



免惹一身孱
惟有另築壇
若問何所指
快閃冇麻煩

一向堅持若推翻紫改等同贏今天輸明天嘅大撞幫創幫元老湯渣宣布脫幫、並將於五個月後辭退公社代表之職。消息一傳出、江湖上就有陰謀論直指湯渣咁做是要搞變相公投。但問題是、咁做對湯渣未見得有何好處。記得在紫改表決之前、白鴨幫過氣幫主鐵頭曾經大肆宣傳、在表決之後就將自己嘅公社議席拋出來搞一趟全民公投。不過到了關鍵時刻鐵頭忽然縮沙、並且死攬住份工唔放、計劃亦就此告吹。據圈內人分析、鐵頭之所以出爾反爾、無非是算過度過之後發現是有蝕冇賺之故。況且今次湯渣並無吃回頭草嘅意思、故不應與個人利益拉上關係。由於按照牌面看來、就算泛盟能夠成功奪取這個議席、在本質上並無任何得着。相反、失手嘅話、在未來嘅分組點票方面必吃大虧、而利益將盡歸建盟所有。因此又有人指湯渣要損人不利己的去靠害泛盟矣!真係咁都得?

2015年6月22日星期一

鬥醜



你說我醜不是醜
諸家拼命看誰牛
左邊阿田開大炮
右邊基少露行頭

在六一八戰役慘敗之後嘅建盟正在爆發內訌、其間並無參與臨陣龜縮行動嘅田大在「飛時卜」發放一幅烏龜載眼鏡圖片、諷刺臨陣龜縮累起整個計劃的卅三人是龜孫子王八蛋。有份參與龜縮行動嘅火雲師太馬上反擊、指沒有跟隨大隊一起縮嘅人至係只知有己不知有人嘅王八蛋。再加上挖地門嘅家臣大龜林以「鱷魚淚係唔代表啲乜嘢、條條鱷魚都有發自己洩感情嘅方法、所以不應憑鱷魚淚去衡量鱷魚嘅感受」去諷剌引發龜縮事件嘅快閃林和後悔跟錯隊嘅掃把師太兩人事後流的是鱷魚淚看來、建盟內部矛盾又再進一步惡化。難怪江湖盛傳、建盟之敗是由西瓜皮作造成架啦!

2015年6月19日星期五

臨陣退縮



你縮我又縮
唔逳做阿福
人人拒孭鑊
個個鬥甩轆

昨日選舉方案在人民公社內慘遭滑鐵盧、結果是以八票贊成、廿八票反對、以及卅三票臨時失踪而被否決。呢嗱、相信大家都知到、即使所有正方代表都投票、結果亦一樣不變、但是在進行投票期間、居然有卅三名正方代表齊齊做逃兵、那就不可思議。雖然話、正方根本不能影響投票結果、但不同數字紀錄可以為大眾帶來不同觀感。假如今次是正方四十二票對反方廿八票嘅話、人們見到嘅畫面就是贊成票僅以五票之微未能達到“總票數三份之二”嘅法定要求而落敗。正方尚可以指責反方是抹殺紫荊人獲得投票選阿頭權利嘅罪魁。但現在是反方廿八票對正方八票、全世界嘅眼睛都見到是反方以大比數勝出。因此反方可以理直氣壯指連大部份正方代表都不肯投票、足以證明他們反對假選舉是對的。

2015年6月17日星期三

陰謀論 之 反即是幫




問前途依然未卜
舞台上對鼠貓哭
一個局看來古怪
外間人盡是阿福

呢嗱、今日縣首如期將紫改方案擺上人民公社議事桌、最快明天使會有定案。走筆至此只聽聞飯盟陣中不斷傳出無人願意轉軚嘅消息。即係話、紫改通過嘅機會等於零。由於社會上有不少人士認為、應該先將選舉縣首投票權拿到手、然後再續步爭取修改那些被認為不民主嘅條文。因此、如果今次紫改被否決嘅話、對飯盟嘅前途必會構成嚴重負面影響。但奇就奇在飯盟居然毫不介意的一口咬定、假如紫改一旦落實就永無修改之日、並堅持否決方案。究竟飯盟憑甚麼斷定市民和他們嘅想法一樣、如果不能一步登天、就寧願玉石俱焚、甚致連即將到手嘅投票權都不要?

2015年6月15日星期一

大遊行的馬後炮


大話唔怕多
老點冇奔波
人人皆好作
小子也大哥

在剛過去的周日、由「傳聞拒絕假補丸」所發起的反「假補丸」大遊行原定有五萬人參加、但唔知點解大失預算。任由主辦者點講、亦只能說參加者有三千五百人。咁即係話、參與人數連預期嘅一成都冇。呢嗱、無論係這家主辦機構嘅號招力是否大不如前也好、抑或係紫荊人越來越懶得去分辨「補丸」嘅真假亦好、總之今次給人嘅印象就係、紫荊人對於這類性質嘅遊行玩意已經興趣銳減。

2015年6月12日星期五

三億係乜嘢一回事?

無厘無頭喊不休
吹牛吹到冧城樓
三億價錢陳上枱
僅此一鋪冇翻頭

近日江湖上忽然盛傳、阿爺以銀彈換取反派轉軚。傳聞指、有人企圖以一張價值三億両銀票向反派代表阿邊個換取一張紫改贊成票、並保證無論方案是否過關銀票都能夠兌現。之不過阿邊個立即嚴詞拒絕、然後拂袖而去。真係唔講都唔知到、原來紫荊城嘅政客係唔食人間煙火嘅。

2015年6月10日星期三

陰謀論 之 請君入甕



要反由你反
但求大家散
箇中有玄妙
誓將你玩殘

開講有話、長痛不如短痛。意思即係話、橫掂都痛就唔好痛咁耐、嗱嗱聲作個了斷算了!今次欽差大人與反盟代表會面不獨只不能打破悶局、反而加深彼此之間隔膜。不知令人費解嘅係、府衙明知撞板都硬着要將「篩補丸」這個議題擺上人民公社議事桌上去。不過據榕樹頭陰謀論解畫佬三叔公講、這顯示朝廷決定要快刀斬亂麻、速來一個既定事實。因為無論「篩補丸」通過與否、朝廷都贏定了!三叔公解釋、今年十一月是驅異會選期、而明年九月就是公社大選。假如能夠在適當時候令反盟流失擁躉、以及令到更多不認同反盟嘅人出來投票嘅話、就可以置那群政客於必敗之地。以當前態勢看來、三叔公嘅預測未必冇可能。

2015年6月8日星期一

肥懷係炸彈(二)

以為妙着有揸拿
誰知陰溝碰掉牙
今日對頭施巧計
惟有落地抓把沙

呢嗱、在下於前文(肥壞係炸彈)講過、肥懷單畸屎在未來三個月裡面必有好戲連場、當下果然上演第二集。在峰迴路轉之下、本來形勢大好嘅阮閑忽然發覺自己經墮入對手所設嘅天仙局都唔知、呢鋪都可謂老貓燒鬚矣!當日阮閑一手抓緊肥懷單畸屎滿以為可以先給飯盟兩大社福屆師爸(托柱和漂紅)每人一記耳光、然後再在來屆大選發動幫眾全力擊敗他們、但勢想唔到自己在踩過界之同時、亦踩着人家準備好嘅西瓜皮。難怪當日托柱和漂紅兩人明被人兜巴摑面都唔不發一聲、原來佢哋係等睇戲嘅。

2015年6月5日星期五

六世捉光啟示錄



陰錯且陽差
聚眾合一家
責任冇擔承
人心自向它

由白鴨黨夥怕燶黨主辨嘅六世捉光晚會、昨夜如往年一樣在銅鑼公園登場。但今年所不同的就是機乎所有大書生會都跟反盟脫勾、各自搞捉光會。據退出大生聯會嘅紫荊大生會代表說、他們不認同反盟嘅「民指大覺」理念才另起爐灶搞一個具有「民指愛講」特式嘅捉光會。再加上鐵血幫搞嘅「民指見覺」捉光會、今年嘅六世捉光晚會都可謂遍地開花矣!唯可惜的就是性質與原本理念大相徑庭而矣!

2015年6月3日星期三

混吉



日日重演一齣戲
你不厭時我亦痺
但見雙方無聊賴
搞來搞去得個屁

呢嗱、朝廷所謂嘅「寸步不讓」從未鬆過口、而反盟所謂嘅「推翻八加卅一」仍然企硬、在如此情況下照計就冇嘢好傾。但怪就怪在朝廷卻煞有介事般的、派遣欽差大人南下冧鎮與反盟代表見面。但欽差大人特別強調、凡是反對朝廷的人都絕不會獲得委任。反盟在會面後聲稱、堅決投反對票。這件事奇特之處、就是朝廷憑啥在毫無誘因之下、認為反盟會接受這個被譽為“蛋家雞見水”方案?究竟這個悶葫蘆裡面裝的又是甚麼藥?

2015年6月1日星期一

陰謀論 之 安格老錫克遜計劃




難分假定真
聽落似層層
呢鋪唔知埞
嚇到震揗揗

近日城中一宗護老院虐老事件曝光後、在社會上觸發起人們對老人問題嘅關注。這個問題使在下聯想到一個叫「安格魯錫克遜計劃」嘅陰謀論傳說。據說此計劃是由一個叫共砌會嘅組織所定、目的是要將全球75億人口降至為5億。該組織是由一群西方權貴和富人在二百九十多年前橫渡英倫海峽、跑到北列顛設立總部、然後再在全球各地開枝散葉、目的是統治世界。有預言家指出、地球在 2015年將會有大事發生。可惜的就是該預言家拒絕透露更多訊息。不過這就引起人們質疑、會否是第三次世界大戰降臨?