求楓葉不如求櫻花

楓葉無力掯神州

櫻花有心冇人求

既是康莊無覓處

又逢爛鬼鬥不休

近日傳媒揭發反派人馬跑到楓葉國求援。報導踢爆鶴聯今前兩任總書記四維冲和兜糠糠曾經跑到花旗向「抬毒、撞毒、僵毒、刮鱗功」等組織取經。楓葉國國會亦就紫荊城嘅「人拳、紫改、一閣兩砌」等方面召開一個聽政會、並由大撞幫長老弱微姐、鶴樵一哥痴蜂二人透過視象配合親身出席聽證會嘅鶴聯總書記四維冲齊齊煮重「篩補丸」嘅米。報導指這告狀三人組要求楓葉國出手、促使天朝勿再做出損害天朝尊嚴嘅事、而風國國會亦答應派員到紫荊城了解狀況。之不過、只怕到時其國會議員要重蹈前上次北列顛國會議員食閉門羹嘅覆轍。

坦白講、以上情節已經是老身常談之事、而且每發生一次之後天朝就對紫荊城嘅操控再抓緊一些。唯令人費解的就是、既然這類鬧劇只能為民主帶來更多障礙、為何反派對此老是樂此不疲？在不久之前、紫荊城關卡拒絕一名由花旗兜咗個圈到來嘅「南天門大晒冷事件」走佬頭目進入本城、繼而又見反派向蕃邦告狀事件、難免令人聯想到這是在「亞頭行」門前躀低嘅奧黑馬所擺設嘅棋局其中部份。如果細看今次嘅內容、就會發覺跟之前是有所不同。從前反派只是要求蕃邦出手牽制天朝、但近來卻加插大書生要求北烈顛重新開啟南京調約、以及跟「抬毒、撞毒、僵毒、刮鱗功」等組織會面、足可見即將來臨嘅「二戰」是非同小可的。如今距離「六世紀念日」為期不遠、正是搞作嘅好時機、反派趁天朝忙於應付花旗在外圍挑釁之際、承機上演六國大封相、即使不能悶死天朝、但最少亦可分其心、添其煩吖嘛！

依我睇、最近有壇花旗國會議員沃馬乞講出「如果天朝膽敢動釣島、他就支持花旗出兵與扶桑聯手開戰」這種低B嘅話、可見花旗對天朝已經冇晒辦法、去求那剛剛加入「亞頭行」嘅楓葉國更加係嘥聲壞氣。縱觀當今天下只有安屁晉三最想找藉口跟習大大開片、假如反派去求扶桑重新啟動所有與前朝簽嘅不平等條約嘅話、必定有大作為。因為安屁連發夢都想着在黃土大地之上豎起「大東亞獨榮圈」嘅旗幟。如果反派馬上求架仔幫手、莫講話區區金紫荊話事人、即使天朝大佬都有得過佢哋做啦！係嘛？！