2015年5月4日星期一

跳老舞風雲




血氣翻騰跳得高
流汗沾濕眼眉毛
無暇攻書人學懶
唯將禍闖過一刀


最近公園會長老阿旺在一次直播口水戰裡面、叫鶴潮仔收皮、結果被人熱烈問候足足一個星期。依我睇、阿旺講嗰句「收皮」既非性器官、亦不在三字經系列之內、唔知點解咁都會紅足一個禮拜嘅。講到三字經呢家嘢「跳老舞」就入流喇!拎啉大教館學生會最近搞嘅一場黑暗時代跳老舞大會、先至稱得上係威水之作。人家學生會嘅公關主任Lader-Hung當館長嘅警告透明、仲話有機會再大搞一場更爛、更粗、更掯嘅派對、仲話咁至能夠體驗言論自由喎!

呢嗱、件事係咁嘅。早前、紫荊大教館有位大教頭公開話紫獨有學術研究價值、值得拿出來討論。然而拎啉大教館嘅學生哥就唔係討論咁簡單、直程係實牙實齒去實踐。他們打着「黑暗大抗爭」嘅旗幟、請來一隊擅長跳老舞嘅樂隊(見開場詩)在派對中演唱、並成功開創全城大教館跳老舞文化先河。講起這支樂隊就認真巴閉。佢哋唔單只跳自己嘅老舞叻、跳人家嘅老舞一樣咁叻、係人見識過都豎起大母指贊佢哋夠晒掯嘅。名劇「黃雨遮」主題曲「死差佬跳乜老舞」成為當晚派對嘅高潮。其間歌手還多次問台下觀眾跳得夠唔夠引、結果跳完又再跳、樂得全場學生哥和學生姐人人如痴、個個似醉、簡直「揩」到連阿爸係邊個都唔記得咁滯。


呢嗱、講到尾都係要有咁出色嘅教頭、才能夠教出咁出色嘅學生。這班大學生就是今日紫荊城嘅精英、亦即係明日嘅希望。假如閣下有子女如此、在下都唔知應該恭喜你好、抑或戥你閉翳好喇!






22 則留言:

  1. 記得佛教一個故仔,請人吃飯人家沒吃,飯餸屬於誰?當然是請人的主人。
    三字經送給人,人家不要,怕主人要自己收回,或由台下如痴、似醉的觀/聽眾收下吧。

    回覆刪除
    回覆
    1. 這大概叫、種瓜得瓜、種豆得豆矣!

      刪除
  2. 域兄晚上好,
    新捕頭一上任佢 d 馬仔就破咗單標蔘案, 真係同人唔同命, 整定嘅,

    勸君莫再跳老舞
    勸君汲取新時麾
    明日棟樑應有品
    言行莫似癩蛤蟆

    回覆刪除
    回覆
    1. 華娃兄晚上好、

      世界上有種人死不認錯嘅、佢哋仲死拗話跳老舞在西方很平常、點解紫荊城班食古不化嘅人會有咁強烈反應喎!

      這群學生膽粗粗
      竟將爛笪當時髦
      粗口爆完不認錯
      校長先生詐糊塗



      刪除
  3. 咁嘅大學生真係無眼睇又閉翳!

    回覆刪除
    回覆
    1. 對呀、都可謂九七前跟九七後差天共地矣!

      刪除
  4. 回覆
    1. 這是顧嘉輝用來形容黃霑嘅金句....

      刪除
  5. 年青總有迷失時候,希望他們有日能受到經書的指引,受到教訓的不再自困!

    回覆刪除
  6. 哈哈!唱粗口歌嘅背後原因係體驗自由嘛!

    回覆刪除
    回覆
    1. 從前人話「品學兼優」、但今日似乎係有學無品了!

      刪除
  7. 門西老竇跳老舞
    門內小哥唱小歌

    回覆刪除
  8. 唔同時代
    標準已經唔同哂

    回覆刪除
  9. 這是他們的操行, ;以為粗就可以.

    回覆刪除
  10. 爆粗當然無品,不過有啲人是以這樣吸引人家的注意,不知道這是乞人憎!

    回覆刪除
  11. 当這斑黃毛成熟時 , 想会羞看以往恥事。

    回覆刪除