陰謀論 之 紫改通過

阿華批阿華

雙方鬥掉牙

唔怕勾鼻佬

最怕向外爬

最近三家大教館 （紫大、華大、李大）合辦嘅民調報告顯示、近來「篩補丸」嘅支持者數目暴跌、其間李大教館嘅華教頭話、這個現象可能跟早前嘅過氣揸拂人華阿頭嘅「反紅者不 得當阿頭」言論有關。在下不知各位對華教頭嘅論調有何睇法、但我覺得呢句話好似有些思覺失調。坦白講、城中冇幾多個人相信阿爺會同意由反紅人物來當阿頭 囉！既然係咁、今次嘅所謂「暴跌」又點會跟華阿頭嘅言論扯上關係？

陰 謀論分析、早前花旗在本城上演嘅「此地無銀三百両」大戲、是不懷好意的。當中三名花旗國會代表以「有半條麵包好過無」來比喻、遊說反盟接受「食住先」方 案、目的是做給世人看、花旗並無在這方面搞破壞、即使將來爆大鑊亦不得賴到花旗身上去。陰謀論亦指出、之所以會有人出資聘用某民調大教頭泡製一個不利「真 補丸」嘅民調報告、目的就是要令市民相信搞民調嘅機構是不偏不倚的、然後再搞一個不利於「篩補丸」嘅民調報告、市民就會深信不疑。呢嗱、話口未完、這趟民 調果然係大大不利「篩補九」方案、再加上瞓街大姐高調向官老爺呼籲不要浪費時間搞「篩補丸」宣傳看來、鼓吹第二次抗爭浪潮的味道甚濃。本來瞓街大姐打落水 狗是正常不過、但她劃蛇添足加多一句「坊眾越見得官老爺多、支持「篩補丸」嘅人數則越少」、咁就乜煲都穿晒啦！因為無論點樣解都解唔通、何以瞓街姐會咁唔 樂意見到「篩補丸」支持度下降、除非她心底裡是渴望方案能夠成功通過啦！

陰謀論嘅結論就係、花旗勸反派接受「食住先」確實是真心話。估計萬一方案通過的話、社會上嘅對抗活動立即爆發。當怒火撲向街頭、勢必引發流血事件、這就是山姆大叔想要嘅效果。因此「紫改」方案一定能夠獲得通過的。信不信由你。