難知真或假
好歹由人話
各自出噱頭
橋舊無有怕
時逢驅異會大選期近、紫荊大舞台又有好戲上演了!近日坊間輿論指公園會大家姐阮嫻遲不出手、早不出手、而偏偏要在驅異會大選即將來臨之際、大張旗鼓的送「三非兒」肥仔懷去入境衙門自首、是有心焫着極土幫把火、以令反盟難看。理由係、弓幫二當頭張紅和三當頭張似兩人、都是反盟陣中專門負責為民抓福利嘅代表、假如反盟袖手旁觀、就被指為高舉福利旗幟呃飯食。假若貿然出手、勢必會受到本地幫狙擊。點做都會對未來選情構成障礙。之但係、雙張在未睇通形勢之前死人冧樓都唔出聲之外、連一向善於用口水浸死人嘅涼茶大狀都在記者面前扮啞仔。如果係真嘅話、都咪話阮嫻呢招唔擺命。