飯仔唔入叠

是假還是真

內裡有乾坤

兩邊唔靠岸

有銀冇命分

由「篩補丸」特約主辦嘅金紫荊擂台大賽終極方案已經宣布、並將會按照原定計劃在八三一場館上演。依照篩選程序看來、飯仔要登記為參賽選手並不難、而難就難在登上擂台出戰這部份。據說選手必須先獲得超過半數提委提名才有資格上台比賽、然而七成以上嘅提委均是親紅集團和倦仔人馬、這即是說假如飯仔代表要上台出戰、就須要在最後階段嘅不記名投票這一關裡面、獲得親紅集團或倦仔暗中出手幫助才有機會。嗱、咁你話嘞、飯仔又點會答應去做呢啲咁蝕底嘅事呢？睇嚟、呢單嘢都係凍過水居多架喇！

呢嗱、在下對飯仔和倦仔均無半點好感、但是我很樂意見到一場由飯仔vs倦仔嘅賽事。原因我很想知到究竟是飯仔嘅拳頭硬、抑或係倦仔嘅實力厚。假如賽事全程都是由倦仔vs倦仔嘅話、基本上與塘水滾塘魚毫無分別。試問那裡還有看頭呢？坦白講、以今時今日飯仔給我的印象是涉嫌打假拳、因此就算佢哋嘅選手上得到擂台、我亦不會將注碼押到他的身上去。總的來說、這才算得上是有選擇吖嘛！無論如何、一個公平、公開、公正嘅擂台大賽確實是紫荊人所渴望的。在下相信紫荊人是理性的、就像當年「豬、狼、鐵頭」那次小圈擂台決賽嘅民調結果顯示一樣、大多數人都沒有把注碼押到鐵頭身上去。這足以證明、紫荊人是不會愚蠢到拿自己副身家出來教飛、將注碼押到一個涉嫌打假拳嘅拳手身上去。正所謂、你肯、我都唔制啦！但可惜得很、阿爺並唔係咁睇。姑勿論飯仔是否如傳說中所指被外圍公司收買打假拳、總言之他們硬銷嘅「真補丸」睇怕都幾難有機會上市。講到呢道、又聽聞那個恨自己鐵不成鋼嘅陳四姑跳出來、喊人唔好買飛去睇呢場比賽。究竟件事點解會搞成咁呢？恕在下真係唔知點講好咯！唔知到你又有何睇法呢？