2015年4月20日星期一

反紅反上腦


寧做井底蛙
不願看繁華
閉門稱獨秀
實力靠棚牙

俗語有話、做人切忌固步自封、應該多啲走出嚟到處看看這個世界、才能夠充實自已吖嘛!由其是當今紅家會那套「抓銀神功」打遍天下無敵手、其經歷和經驗都具有參考和學習價值。因此紫荊大武館副館長日前透露、他們準備在七年後強制所有學徒都必須到紅土大地及其它地方進行一次交流、但凡對此有異意者大可以選擇離開大武館另投其它門派。殊不知此語一出、又關個腦事喇!有人急不及待指責大武館係要送學徒入內地洗腦。那唯恐天下不亂嘅大武館「舊冷會」發言人更加一口咬定、大武館此刻公報計劃、是企圖打壓正在學習「降紅十八掌」嘅大學徒、並聲稱一定會跟大武館周旋到底嘅喎!

呢嗱、難怪經常聽人講、某些人反紅反上腦、每逢聽聞任何與個紅字有關連嘅人和事就會起晒槓、完全失去理性似的。人家副館長所講嘅係好端端的一次學術交流、居然被講成係一項政治陰謀。喂喂、那所謂大學徒交流只不過係七年後嘅預算、係唔係一定冇變都未知、居然可以用來打壓今天嘅人、咁都得?呢嗱、早前這幫人將「鶴丸熱刊」嘅政治把戲演繹成學術自由、而今日又將學術自由演繹成政治把戲、咁搞法乜都被佢哋玩晒啦!係冇?所謂司馬超之心路人皆見、呢幫人之所以要極力阻止大學徒接觸內地完全無關洗腦之事、而係擔憂此道一開大學徒嘅眼界就會擴闊、日後就無法再將之蒙蔽咁啫!總言之、在我們的社會上確實有班人口講公平、公開、公正、而做嘅就係不公平、不公開、不公正嘅事。這種事早已經唔係秘密、只係有些人不獨只盲目、更加係盲心、真係醫番都嘥藥賈啦!係嘛?!!

15 則留言:

  1. 講得對,井底之蛙又怎知甚麼是儒術,那麼儒生教愚生幾近矣!

    回覆刪除
    回覆
    1. 但係過咗冇幾耐、那位副館長就公開向大學徒認錯。難怪紫城嘅大武館在世界排名越來越後矣!

      刪除
  2. 剛才看新聞,驚覺炆煮黨劉大姐現出四白眼,於是上網看以前的相片,並無這種感覺。
    唉!反紅反到變四白眼,又何苦呢!

    回覆刪除
    回覆
    1. 所謂相由心生、瞓街姐嘅四白眼係告訴大家佢已經走火入魔了!

      刪除
  3. 唐朝興盛皆以戰事不擾民為守則,此民更是「敵民」。此之謂仁也!凡以仁德治國,總得民心。
    如以民生為要脅手段,以達到一己之私,就是敗筆。

    回覆刪除
    回覆
    1. 以紫荊人嘅聰明才智當然明白這個道理、但礙於財迷心竅之下、一切都變得模糊矣!

      刪除
  4. 域Sir,剛睇蘋果新聞,港大副校長道歉兼收回強制北上交流或學習的言論,不過校長又話要有合理原因才可豁免北上,我想問校長,乜嘢原因才是合理,股市大旺大時代,一日上下波幅成千多點,掛住睇市唔得閒北上,算不算合理?

    回覆刪除
    回覆
    1. 其實副館長已經體會到自己只不過是來打份工、既然當下嘅政治環境咁惡劣就無謂企硬、總之賺夠錢就返回老家嘆世界、懶理呢班非親非故嘅黃面仔生抑或死啦!

      刪除
  5. 回覆
    1. Winnie 午安、妳今期一定又有好嘢介紹喇!

      刪除
  6. 失去理性
    自然失去應有的判斷力

    回覆刪除
  7. 好友⊹・゚大家☾♦天天甜夢✫*¨★晚安✬.•*☁

    回覆刪除