七日一行

一日七變七日一

得不着也着不得

毒箭飛來飛箭毒

桔前神對神前桔

呢嗱、由於有人不斷在紫荊分舵地頭搗亂、並對到來辨貨嘅散戶作出惡性挑釁行為、城中便響起將一咭通行改為一咭一行、或是一咭十行、甚致取消張咭唔使行、總之就是各為其主各講各話啦！點知紅家會總舵一句「回應坊眾要求」就下令限制冧鎮散戶每週只准入城逛一次、呢鋪都可謂陸雲霆睇相、唔衰攞嚟衰、真係喊都無謂。由於總舵今次作出嘅安排是具相當殺傷力、令到那些在冧鎮和紫城兩地開設連鎖式紫貨店嘅土豪和老表有如床板夾支筆、有痛到叫不得咯。有人質疑總舵在下決定之前連招呼也不打一聲、難道不怕有人聯手搞垮檔「自助餐」作為報復嗎？據說總舵從來沒有擔心過。

江湖有陰謀論指總舵係借勢教訓那些冥頑不靈堅持要與分舵堂主過唔去嘅車邊友、才下令勁減散戶到來辦貨、好讓他們在蒙受損失之中體會到誰才是老大。為着防止有人在城中加倍顧用腳夫帶貨衝關、總舵已下令紫荊城及冧鎮關卡聯手嚴打黑名單上嘅紫荊腳夫。但另有可靠消息指、總舵今次嘅做法、純粹是要維護家鄉內出售行貨嘅生意人利益。消息還透露、有人見到總舵對於各邊疆區嘅散貨活動一直保持隻眼開隻眼閉、就認定這類活動係「老奉」嘅、完全忽視那些與外邦交易嘅散貨活動與紫荊人所面對的完全是兩碼子事。其實總舵對於各個邊區嘅散貨活動未曾加以嚴厲管制、並不表示會同意在紫荊城興建永久性散貨城、因為這樣做可能會對紅家會利益和整套遊戲規則兩方面都構成衝突。講到呢度、相信紫荊邊區散貨城之所以有講冇做、今次大概可以理解了吧！喂喂、聽講冧鎮已經正在建造一座散貨城、點解人哋做得、而我哋就唔得呀？呢嗱、如果我講嗰檔攤開唔成你一定唔信、不如放長雙眼睇吓點仲好啦！好嗎？！！