別打出個「反」來

為官不知民

注定周身痕

鬥嘴無意義

對事莫對人

近日城中響起一遍打「反水客」之聲、矛頭直指火雞幫借「反水客」為名宣揚「紫獨」為實。雖然「火雞蛇貓旗」被視為火雞國國旗、但在下總覺得係有人掛羊頭賣狗肉。因為在歷次的「反水客」行動裡面所見到的情況、只是一群人專注於辱罵遊客和沿路製造麻煩、實在見唔到有多大宣揚「紫獨」嘅意味。不過無論其動機如何、總之以粗暴行動去對待訪客點都係唔啱嘅。但係咁亦唔代表坊間並無反水客思維存在、畢竟基層生活費的而且確係被走水貨活動扯高的。之但係打「反水客」還打「反水客」、切勿一竹篙打一船人、否則打出個「反」來就真係中計矣！

講到打出個「反」來、在下就想起老朋友小杜的一段往事。小杜是在內地一個紅門家庭長大。他的爸媽都是紅家會地方上嘅中級頭目。當小杜長大之後就被送去番邦「牛記大教館」學藝。在原則上而言、小杜是由紅家會栽培出來的人才、理應在學成之後報效紅家會才對。殊不知但當他歸家之後、馬上打破“不得批評紅家會”嘅家規、並經常就自己對紅家會嘅意見而與父親頂撞。在一次拗撬之中、小杜被父親重重的打了一記耳光。結果就是那一記耳光便打出小杜逢紅必反嘅性格來。自此小杜離開家庭、獨個兒跑到番邦生活了一段日子、然後再到紫荊城定居下來。

以上嘅故事係話畀我哋知、單憑壓力去抑制別人只會適得其反。因此但坊間嘅怨氣宜疏導不宜打壓、否則打出個普天同反出來就弊家伙矣！