三十六計 之 金蟬脫殼

兵家大舞台

扮懵定蠢才

唔怕割禾青

只怕你唔來

呢嗱、江湖傳聞指今次反盟調轉槍頭、對火雞幫在打水行動中濫殺無辜老弱婦孺予以譴責、其實係三十六計嘅金蟬脫殼之計。在講傳聞之前、先交代一些來龍去脈。話說火雞幫（標記：火雞蛇貓旗）是由蛇貓幫（標記：蛇貓旗）分裂出來的。雖然同是激進派、但火雞幫所走嘅路線比蛇貓幫來得更加激進。兩幫幕後嘅重心人物皆與反盟有極大淵源。最微妙嘅就係、這兩個激進幫會嘅六名大老級人物均為大法會法師。傳聞指反盟之所以劍指火雞幫、目的是要在大眾面前跟呢隻火雞劃清界線。但奇就奇在反盟號召盟友聯署反紫改聲明時、被喻為火雞幫嘅掛名大老居然有份簽署。就係咁就引起人們質疑、究竟這個葫蘆裡面裝的是否假藥？

其實江湖上早已盛傳、自從上次「和尚打傘」一役慘敗之後、反盟嘅聲譽和街坊嘅支持力度均如江河日下、加上紅家會不斷狙擊、形勢更加岌岌可危。因此若不盡快改變劣勢嘅話、莫講話將會在驅異會擂台打輸、恐怕連在大法會擂台將會輸得更慘。反盟知到倘若要將「和尚打傘」期間所遺留下嘅污點抹走、那就必須要有人願意企出來將個炸彈攬上身去才行。但問題是、任何一幫去攬這個炸彈都會被炸得粉身碎骨、惟有由火雞幫去承受就最安全。理由係火雞幫與大法會並無直接關連、而且又係紫大鱷生會志同道合嘅戰略伙伴、所以由呢隻火雞來做呢個醜人唔單只替其擋災、而且還可以送那群整天針對自已嘅大鱷生一程吖嘛！只要完成這步驟、反盟就有大條道理將所有累街坊嘅行為全都推到火雞幫和大鱷生會嘅身上去、而自己又可以重佔道德高地看風駛架喇！這一切對於打着紫獨旗號嘅火雞幫來說根本上無關宏旨的、但對反盟來說就係起死回生嘅靈丹妙藥矣！