宮能組穩如泰山

你愁好過我來愁

宮能議席勢保留

勿謂當家無義氣

得心應手永無憂

日前湯大狀師提議、如果朝廷能夠答應在下屆人民公社取消宮能組嘅話、他可以說服反對派支持金紫荊改革方案。呢嗱、以在下這類小市民來說、如果能夠掃走被譽為權貴代表嘅宮能組、當然舉腳贊成。之但係對朝廷來說、冇咗宮能組等同在紫荊城主導權方面斷了一臂、認真唔講得笑架！現在嘅問題是、你會相信湯大狀師真係連咁都睇唔出嗎？若然係知到嘅話、何故明知不可為都要提呢？我想這是值得想一想的。

在下並唔係要撥冷水、之不過無論橫睇抑或掂睇、湯大狀師嘅提議冇可能被朝廷接納。眾所周知、朝廷透過國會立法訂定出一個選舉框架、無非就係要保證將來嘅縣太爺寶座能夠由被視為有「愛」心嘅人物坐上去。要達成目標、首先必須取得人民公社嘅主導權。因為公社是個擁有立法和廢法權嘅地方、只要有超過三份之二代表投贊成票、定下來的選舉框架隨時都會有變數。如果要確保不失、就必須要確保眷制派在公社所佔嘅議席永遠都要超過半數。就係咁樣、宮能組這棵大樹絕不能倒。目前眷制派和宮能組相加起來嘅人數、雖然尚欠五席才能夠達到議席總數三份之二、但已經遠遠超過整體嘅半數、但已經能夠鉗制反對派有餘。基於反對派嘅性功能被眷制派與宮能組聯手宮去七七八八、以致成班友仔人人無所作為、個個谷精上腦。因此鬧事和拉布便派上用場、除咗發泄之外、順便令到你班唔肯企出嚟幫手掃走宮能組嘅紫荊人感受一下切膚之痛。之但係、反對派報大概忘記咗、很多人都是看重眼前利益、當自己利益受延誤就會對搞事者不滿、這大概中正朝廷下懷。試問如果你係萬歲爺嘅話、你又會唔會去理會湯大狀師嘅提議呢？