欲擒故縱

不拉又不鎖

相約衙門坐

任你出風頭

慶賀你凱歌

呢嗱、世事果真是無奇不有。別家的巡捕房拉人、我家的巡捕房又拉人、但人家嘅疑犯要披枷帶鎖、而我家疑犯就獲得猶如上賓般的禮待。話說金紫荊巡捕房正式開始緝捕曾經參加封街鎖路人士、連日來以飛鴿傳書方式相約數十名有關嫌疑犯到巡捕房接受拘捕。嫌疑犯不單只依時報到、而且還攜同狀師和啦啦隊在巡捕房大門外高調的向記者宣讀宣言、揮手和擺「鋪屎」拍照、比起出爐影帝影后開記者招代會來得更有睇頭。雖然當他們進入衙門之後既拒絕交保釋金、又不肯自簽擔保。然而巡捕房卻更加禮讓、只說一聲保留起訴權之後就此放人。難怪人人都贊賞紫荊城是當世犯罪者天堂矣！

有位政界資深人士對我講、其實被捕人士擺出嘅姿態越高調就越係弊家伙。他還問我在公仔箱和報章看到他們那副洋洋得意嘅尊容時有何感覺。經他那一問、我忽然發現不知由甚麼時候開始、已經對這類頻頻曝光嘅政治「騷」和人物產生一種莫明嘅厭惡感覺。情況就好比某些曝光過度嘅藝人、令人一見就想息機嘅感覺一樣。據說巡捕房在未來幾個月內都會以同樣手法去處理有份參加封街鎖路嘅嫌疑犯、亦即是說這股熱度最小都會延續多好幾個月。難怪江湖上嘅陰謀論指出、有人正在以三十六計之中嘅第十六計「欲擒故縱」對付路霸、並刻意將他們的氣焰提升至神憎鬼厭嘅境界、藉此舵衰八大門派、到時錦衣衛就可以在來屆驅異會大決賽之中輕鬆的將之續一擊敗。照咁睇嚟、大內副總管日前發表“今後勢必趁某些人病而攞其命”嘅講法、並非無的放矢矣！