2015年1月17日星期六

阿爺的警告



助他如助我
咁就冇唔妥
誰人搞破壞
勢必被狂鋤

日前朝廷發出一段訊息指八三一決定內容一個字都不能改、但凡支持施威通過方案就是支持朝廷。當這段訊息出街之後、各方反應不一。坊間普遍認為朝廷是以堅決態度表明希望方案獲得通過。亦有人話朝廷是向紫荊人呼籲、並利用廣大民意推動支持這個方案。不過據一位上院代表告訴在下、朝廷今次之所以在八三一這個問題上企硬、有三個理由。第一、要告訴所有人朝廷在這個問題上是始終不渝。第二、告訴反盟朝廷無懼方案被推倒。第三、警告所有藩王認清楚施威就是朝廷嘅代理人、誰對他不敬就是對朝廷不敬、誰反對他就是反對朝廷。嘩!假如係真嘅話、咁就真係唔講得笑喇!

無論你接受與否、紫荊城就是一個多元化嘅城市、亦即是說這裡啥人都有。因此政治多元化是無可避免。一般小市民平時為口奔馳、所以人皆忙於作活、能夠全情投入政治工作的人除了職業政客之外、大概就只有一群比較清閒嘅儒生矣!在先進國度裡面到處都是政商一家、所以紫荊城也不例外。所謂政治環境好、投資環境亦好。因此商界必然會發揮其影響力、令自己利益得到保障。然而投資環境好、並不等於人民生活水平一樣好的。因此一般平民百性也要求有更大的影響力去爭取自己利益。如果政府平衡得當、地區就會得到繁榮安定。但假如政府太過偏重某一方的話、情況就會變得像今日紫荊城一樣、永無安寧矣!朝廷有見及此、便出手幫助施威擺平形勢、所以才發出強硬訊息、希望各方都能夠為安定繁榮作點貢獻。當然如果任何人另有想法的話、絕對有權作出任何對自己有利嘅部署、例如遷資、移民等任隨尊便。呢嗱、在下奉勸諸君一聲、既然係咁就唔好再以下犯上喇!

16 則留言:

  1. 域 Sir,亜爺呢招一出,可以睇到邊個唔幫 CY,邊個唔交心唔擦鞋.

    回覆刪除
    回覆
    1. Wai 兄、按照目前走勢看來、阿爺好係撩交打咁款、似乎是要引蛇出洞喎!

      刪除
  2. 我支持阿爺
    更支持施威每年推兩三萬個草蘆
    更最好阿爺助施威每年推夠二三+萬個草蘆

    回覆刪除
  3. 看來紫荊城有排永無安寧矣!

    回覆刪除
  4. 我唔信班財伐喺香港搵唔到大錢,只係佢地貪得無厭,及利益輸送致使財富更不平衡。
    我相信政府應強硬對付,他們才會乖乖地,同時要釋出訊息會每年逐步推出更多房屋供應量,要佢地知道炒高樓價冇運行,土地問題是可以解決的,只要動下腦袋,怕就怕班官員唔夠膽?

    回覆刪除
    回覆
    1. 財閥每做一個大動作必有其所須、生意人認錢不認人、當然唔會放過賺錢機會喇!講到官員呢家嘢、我覺得大家都無謂期望太高、他們能夠到出兩三成水準已經唔錯架喇!

      刪除
  5. 域兄您好!近來好嗎?我不懂也不喜歡講政治。

    回覆刪除
    回覆
    1. 白雲君妳好、不問政治是福氣來的。祝妳每天都愉快!

      刪除
  6. 因為反對政府有巿場,在某些政客來說,香港前景算什麼?佢哋嘅利益先至係最重要!所以任憑阿爺點警告都好,班政棍啋你都儍,香港的未來,我相信會繼續紛紛亂亂。

    回覆刪除
    回覆
    1. 飛獵兄、天下太平對政客來說是死路一條、因此必須無事搞事、小事化大、大事化亂、越亂越好吖嘛!

      刪除
  7. 什麼八三一,什麼是政改?通通都不識,為何要我載?
    手持簽名冊,趨前奉筆來,左右夾攻開。主任太俾面,奈何一而再。

    回覆刪除
    回覆
    1. 秋葉阿姨、世間事來來去去萬變不離其中、就讓它要來便來、要走便走吧!

      刪除