唔係跳草裙舞

你既拒埋堆

惟有我遷居

大事欠商量

唔走實聽衰

據聞城中某位大老闆已經在海外開了新戶口、並且連個賬房都遷移去那裡去、但人就照舊留低、而生意亦照舊經營。有人話大老闆每次有大動作嘅時候、金融界就就很快會打大風、所以今次亦不會例外、是耶非耶就要看過才知到。大概三個月前萬歲爺曾經與大老闆摸杯底、但三個月後突然話搬就搬、箇中原因確實耐人尋味。江湖傳聞指、祖家打污蠅兼打老虎打到風聲鶴唳、假如一個唔小心來個城門失火殃及池魚就真乜仇報都報晒、加上今日城中政治氣氛惡劣、能夠及早做好兩手準備、怎樣看都是上着。

講到政治氣氛、在對上兩個週末、我在菱角會碰見幾位戰中重心人物撐枱腳、事隔幾日就有位飯盟尊貴忽然宣布、將會在公社表決紫改議案之後提出辭職、然後來一次變相公投、希望憑此迫使朝廷撤回大人委員會嘅831方案、並重新啟動紫改咨詢。究竟以上事件是否有關連實在好難講、但政界中人、包括那位尊貴的盟友、紛紛表示對他的做法有所質疑。假如紫改真的被推倒嘅話、本城兩極化勢必加劇、投資者當然會對形勢有所考量。

據近日從縣府嘅淡定和低調看來、似乎傳遞出兩個訊息。一、是縣府對於通過紫改方案已經胸有成足。二、是朝廷早已打定主意、並準備好接受紫改被推翻這個事實。答案若是一的話、就沒甚麼值得擔心。假如答案是二的話、城中會不會爆發撤資浪潮、睇怕都唔使問阿貴。假如我係投資者、而又掌握到可靠消息嘅話、我會毫不猶疑先準備好退路。