2014年12月6日星期六

我們的社會是這樣的嗎?



政爭鬧爆門常開
議會慘變戰鋒台
民間怨忿無人問
怒喝儒生勿種災

紫荊議事堂部份尊貴被踢爆公器私用、開放堂中設施讓自己友作戰中指揮部。某尊貴在回答記者提問時堅稱自己冇有錯、日後如果不是非常時期就會自律。換言之、潛台詞就是只要他認為有須要唔時候、必定會重蹈覆轍、問你怕未?喂喂、議事堂乃是全城納稅人嘅資產、而納稅人之中亦包含所有不同政治立場嘅市民、所以尊貴並唔係大晒、更加唔應該私底下動用公家設備供給外人使用。因為這樣等同假公濟私、對持不同政治立場嘅納稅人唔公平、即使在法律上並不構成罪名、但在道德上是可恥的。在下奉勸各位尊貴一聲、如果要幫助自己友就唔好咁孤寒、索性自己掏腰包去酒店開房、而不是濫用納稅人資源。假如你嘅對手又咁做嘅話、議事堂豈非變成冇掩雞籠?

講起紫荊議事堂就火都嚟埋。那些所謂尊貴總是為維護背後勢力利益而吵吵鬧鬧、晒標語、講粗口、掟香蕉、掟路姆西毛公仔、搞到整個議事堂變成大笪地咁款、而市民利益就冇人跟進。所謂掟人者、人亦掟之。君不見戰中期間有尊貴被人掟雞蛋嗎?所不同嘅就係、尊貴在議事堂掟人就被趕出場、而市民在公眾地方掟尊貴就被人送上差館而矣!請大家睜開雙眼看清楚、自從大歸以來紫荊議事堂究竟對市民有過甚麼貢獻?住屋問題改善了嗎?骨灰場不足問題改善了嗎?答案係、目前城中基層面對着生前難覓安居所、死後無葬身之地之苦。還有年青人出路越來越狹窄、向上流機會所見不多、社會資源分配越見傾斜、以致富者愈富、貧者愈貧。咁你話社會上點可能冇怨氣?以其抵賴年青人破壞社會安寧、倒不如想想辨法去紓解民困和消除民怨來得更實際。其實有幾多人參與街頭運動唔係反對派話事、而係由政府來決定吖嘛!如果社會上民怨唔係咁高漲嘅話、阿茂得閒去鳩鳴咩?

18 則留言:

  1. 笑呵呵。゚開心星期六•*☀早晨+黃昏好⊹☁*゚
    ✿¤*¨⊹❀。今天又暖粒粒•*♡太陽再出來呢。・゚゚❤
    Louis Rick 人生無幾多個十年嘛♪¤*¨♫*大家活得快樂啦♬°•♩

    回覆刪除
  2. “民怨沸騰”亦包括很多受這場運動帶來災害和影響的人。年青人寫「民不聊生」,我以為現在挖緊草根,吃著樹皮。人人都有手機一部,連小學生都有份。以前也不是家家都有電話 o架。
    社會進步了,人人的希望都大了!仇視社會的人何其多,就此攪垮紫城,一拍兩散啦。

    回覆刪除
    回覆
    1. 整個世界嘅價值觀都改變、今天人們眼中嘅貧窮線已經非惜日之水平可比。因此解決問題之法、應以互量互讓嘅方式去解決、而非對砍。

      刪除


  3. 域兄晚上好,
    紫荊城尊貴能夠自己當家作主以來,個個都想獨當一面, 往往以抽官老爺後腳以為己任, 官老爺 政令不通加上犯錯連連,才有今日的局面,

    精衛雖有填海心
    奈何卻無移土力
    民怨暴發似洪水
    宣泄不當會遇溺

    回覆刪除
    回覆
    1. 華娃兄你好、

      今次有人大喉腩、點知一個唔覺意就骾骨咯!

      政治向來睇住食
      誰知有人食夾扐
      無端挑起翻天浪
      收制不來反遇溺

      刪除
  4. 如果無間公屋住都幾頭痕,最大困擾是居住和醫療問題!

    回覆刪除
    回覆
    1. 今年落成嘅公屋偏偏是大歸以來數字最低的。我都唔知點講喇!

      刪除
  5. 回覆
    1. 政府當然有責、但整個社會都有責任嘅囉!

      刪除
  6. 域Sir,班議員真係次序唔啱,先帶班友番自己企屋玩就啱,玩完唔夠喉,再帶去議堂都冇人會出聲批評。

    回覆刪除
    回覆
    1. Wai 兄、假如咱家嘅尊貴能夠咁做、佢哋就唔係做紫荊政棍、而係紫荊救星架喇!

      刪除
  7. 人既慾望永無止境,亦即係永遠都有唔滿意既人,班攪事既大學徒你估有幾多個屋企會憂柴憂米?

    政府無論做乜決定,或者唔做決定,都一定有人贊成,有人反對,只係點樣平衡。如果有人不斷將部分唔滿意既事,無限放大,宣傳洗腦,自然會有D無腦既人覺得越來越唔妥,出來響應,法例就係對付D破壞社會既行為。而家鼓吹犯法,連立法既議事堂都幾成咁,想唔亂都幾難啦!

    D官係需要制衡,不過而家唔係制衡,而係乜都唔洗做,大家食穀種。

    回覆刪除
    回覆
    1. 對呀、人是永遠無滿足的。不過如果政府能夠握準時機去疏道社會怨氣嘅話、即使有人搞鬼都冇咁易的。

      刪除
  8. 回覆
    1. 這是拖字訣、用得恰到好處當勝、用得過火當敗。現在就要睇政府點做喇!

      刪除
  9. 我都好沸騰 , 究竟何日可回復昔日和平安靜??

    回覆刪除
  10. 長毛呢條政棍,乘機拉攏班學生,以後又多啲票源. 不過佢都無錯,垃圾局唔單只俾垃圾議員用,連垃圾學生都無任歡迎!

    回覆刪除