2014年12月26日星期五

政縛法



施威喊立政縛法
阿民當堂口擘擘
建仔徬徨心更焦
難怪紫城爛笪笪

呢嗱、俗語都有講、偷雞不成蝕把米吖嘛!今次阿民煲燶藥嘥心機、賣黃雨遮賣出個大頭佛來、結果搞到蝕老本收場、仲被施威食住上、話要依據「各製法」搞個甚麼「政縛法」出來、縛住呢班友仔、並規定所有阿民幫會必須公開所有幫眾嘅個人資料和所有捐款來源、十足十擺部 X光機日日照住班友仔、連佢哋食咗乜嘢落肚都睇得一清二楚。雖然政棍一向不分左右、財來直受、誰出得起錢就幫誰、但俗語都有講寧願被人知、亦切勿被人見。試問又有誰願意拿高自己個肚皮任人睇?呢單嘢咁濕滯、莫講話阿民唔肯、就算係建仔亦未見得會贊成。

施威呢頭將黃遮檔攤摺埋、嗰頭就喊要將「政縛法」擺上台、似乎是要趁着阿民被黑金纏身之際而有所作為、而且還算準呢班友仔在此時必定投鼠忌器、不敢強烈反對、因為誰反對誰就是賊、呢一招都咪話唔夠絕。之但係、事實告訴我們、山姆大叔全憑黑金之力搞垮沙鵝聯幫大帝國、現在又以黑金搞到非洲立立亂、只要搞垮埋東方一條龍就可獨霸天下。因此即使成功立法、亦未見得能夠消除黑金誘惑。在政棍心目中當然是無法總比有法好。因為無法可以肆無忌憚為所欲為、而一旦制訂了法例就會受到諸多掣肘。不過出得來行、通常都有幾度板斧防身。所謂道高一尺、魔高一丈吖嘛!既然唔准賣狗肉、那就掛起個羊頭做生招牌、咁就冇晒問題架嘞。吓、你問我到底「政縛法」成效有幾大?哦、咁就真係要睇過至知喇!

12 則留言:

  1. 你講得啱,山姆大叔喺香城攪完黃遮運動之後,跟住就攪肥仔恩,睇嚟亞洲開始永無寧日了!

    回覆刪除
    回覆
    1. 奧黑馬話、花旗軍犧牲性命為地球締造了和平喎!服未?

      刪除
  2. っˆヮˆ)っ好友♦•*¨☀早晨+午安+黃昏好*¨☁☼
    喂喂喂...大家留意天氣…落雨好收衫喇
    ღ。。゚♡ ʚïɞ*ƸӜƷ•。Ha Ρpy.星期五。..。・゚゚¤♥
    ✿º°¨齊齊開心的心情延續到每一個明天。・゚❀
    大家°¨*ღ窩心♥°•❣幸福❤開心停不了。゚♦\(◕ヮ◕)/
    帶著開心萬事得的心情延續到2Ѽ15羊年•。歡樂精彩喇喂
    °¨*祝福◇*°接福❀**福到•*¨幸福♦・゚得福⊹❀﹒。快樂迎接
    ❀。•*´。❉•。✿。•*´⊹*。❉。•*´*✿。•*´❀。•*´。❉•✿❀
    福福福福福福福福福   福∧∧
    福   福   福   福・ω・)
    福   福   福   福⊂ノ¸„ø¤º°¨*・。福到你家。゚❤
    福福福福福福福福福   福 
    福   福   福   福 
    福   福   福   福  福
    福福福福福福福福福 福 福 福
               福福福
     福福福福福福福    福
     福     福   福
     福     福  福
     福福福福福福福  福福福福福福
     福福福福福福福    福
    ❀。•*´。❉•。✿。•*´⊹*。❉。•*´*✿。•*´❀。•*´。❉•✿

    回覆刪除
  3. 域Sir ,今次 CY 學足毛主席有霸氣的詩中二句,宜將剩勇追窮寇,不可沽名學覇王,我以為炒期指,炒股票用呢兩句冇錯,原來CY 也蠢唔哂,也用嚟對付班友仔,真係失覺。

    回覆刪除
    回覆
    1. Wai 兄、你形容得很貼切、就讓施威暫時叻一陣啦!不過真正考驗尚在後頭、且看其造化矣!

      刪除
  4. 域兄晚上好,
    有政縛法總比冇好得多,

    成班政棍打龍通
    黑金獻金水頭充
    立法有如緊箍咒
    用嚟收服孫悟空

    回覆刪除
    回覆
    1. 華娃兄午安、

      政棍從來假大空
      金回敗倒似條蟲
      揸住煲茶稱食醉
      輸人輸陣冇陰功


      刪除
  5. 現時特區政府慣常都係只講不做,所以個個唔係影帝就係影后,你咪話CY 叻,佢都係跟住個劇本做事咋……

    回覆刪除
    回覆
    1. 怒兄果然目光如炬、在下好生佩服。相信這台戲尚有下文的呢!

      刪除
  6. CY其實麻麻哋好戲,如果佢好戲就唔會人人都覺得佢奸啦!哈哈~

    回覆刪除
    回覆
    1. 哈哈、難道 Kiu 兄兜過圈讚施威個樣「靚仔」乎?

      刪除