全城皆輸

你使剛勁我使柔

書包放下泛九流

人人責難偏不退

鬧到香江日日愁

預傳、一、二、三、噓...！讓路！讓路！讓路！讓路！這是昨晚上大學徒聯誼會發動的包圍總衙門嘅第一道命令、當時雨遮黨眾以自製盾牌陣作為頭排步隊、集體向現場捕快推進。這趟行動一開始就違反大學徒首領兜阿匡嘅“不主動衝擊和挑釁捕快”嘅公開承諾、難怪事後飯盟頭領劏雞華發表聲明、強調不會動員支持。

呢嗱、飯盟迅速與衝擊者劃清界線、大概是不想被這群死牛一邊頸嘅盲頭污繩牽着走、而令他們日後翻身更艱難。事實上飯盟與大聯會雖然有共同理念、但在政治層面而言、飯盟只要能取得永久參加打雷台資格已經能夠接受、而大聯會就是死咬着四點要求不放、倘若事情鬧僵紅家會便會將所有大門都關上、到時一切打回原形、飯盟政客亦會一無所獲。因此飯盟與衝擊者割蓆是無可避免的。

所謂割蓆亦只不過是形諸於口、實際上是兵分兩路。事實上物資補給仍舊源源不絕送到雨遮黨手中、而燶幫、大撞幫、白鴨幫、射蚊連、拳頭幫等幫會嘅專業異工隊人馬在雨遮黨之中依然非常活躍、只是那些有公職在身嘅尊貴並無臨陣撐埸而矣！不過、經過連場政治性衝擊洗禮之後嘅紫荊人絕非吳下阿蒙、試問又點會睇唔出其中奧秘？

呢嗱、別以為只有飯盟才會吃大虧、以目前情況睇嚟、金紫荊揸拂人施威嘅自身形勢跟寶島揸拂人小馬哥實在很相似。眾所周知小馬哥對內既未能搞好團結、對外更是加進退失據、結果四面不討好淪為弱勢揸拂人。在今次「九個一皮」選舉之中終於失去島北這個傳統重鎮。小馬哥在是次失敗之中不單只廢掉自己嘅武功和拖累了男營、更加不堪的就是讓六營在來屆島主大選佔盡先機。今日施威在民眾心目中嘅形象亦不遑多讓、假如還不懂亡羊補牢嘅話、隨時比小馬哥輸得更慘更重。