欲罷不能

學人搞戰中

大夢變成空

時逢燒壞瓦

注定褲穿窿

呢嗱、戰狼三伯都可謂夠晒“禮、義、廉”喇、佢哋一聽聞將會有戰中受害者從法律途徑向他們索取賠償、就馬上呼籲戰中參與者齊齊自首、美其名創造全世界高最自首紀錄、其實係要氹班人證明自己有份阻人發達、從而一齊孭起筆賠償費用就真嘅。呢嗱、呢啲就係光棍佬話齋“精人出口、笨人出手”吖嘛！

當今林武形勢逆轉、戰狼三伯和三名學師會頭領都在自己身上臭到老鼠味、而紫荊堂坐館施威又將藍方既反戰簽名納入災情報告一拼交給總舵主。中學師召集人學師鋒獲悉此消息之後居然輸打贏要、無視佢哋就係靠簽名運動起家嘅、今早居然篤爆簽名運動係呃街坊嘅掩眼法嚟喎！按照學師鋒咁講、當今武林認真靠唔住咯。你睇睇、戰狼三伯聞得有人向佢哋索償就蹆軚、家陣仲要氹人落叠墊為佢哋屍底。雖然一般正常人肯定唔會再中招架喇、之但係還有一群俗稱政治盲流（學名：後天性政治認知障礙症族群）嘅懵仔懵女聽佢哋支笛掉進賠錢陷阱、否則佢哋三條冷賠埋條老命都賠唔掂架喇！

呢嗱、生果黎話學雞搞革命難成大器、原來係啱嘅。大學師會坐館學師康擘大喉嚨喊踩入總舵找晦氣、如果咁都得、長毛早就在中男海插咗旗啦！大學師會老二學師輝明知到反盟尊貴名望插水、呢個時候搞公投等同揮刀自宮、你肯佢哋都唔制啦。教頭大腰廷話解散話事堂重組、係明知不可為而為之、分明發噏風。睇嚟、呢幾位仁兄是要在徬徨中搞搞輕鬆氣氛而矣！

其實花旗老大奧黑馬自知、無法在這趟混水討到着數、而且又將要求總舵主放水救命、當然下令叫班細嘅咪搞禍佢檔攤。因此依然係嗰句、當奧黑馬嘅飛雞一號回程返花旗之日、就係戰中嘉年華被摺埋之時。