東邊風來西邊渡
偉大工程憑你造
人人博命我抽水
適時發難有前途
昨夜睡夢正甜之際、忽然被電話鈴聲吵醒、並在矇矇矓矓之中隱約聽聞話筒傳來甚麼光復旺區之後、就輪到為重煲廿三味製造條件。不過當我在早上醒來之後、才猛然記起、印象中的那位與話筒聲線相似嘅友人是專門演大反派角色的、唔應該會講啲咁嘢嘅。我懷疑只是聲有相似調有相同、而且係有人打錯電話。可惜我家嘅電話係搞撥式嘅古董級產物、否則只要翻查一下紀錄定能查出真相。自從上次巡捕房成功光復旺區之後、激進派人馬以傳音入密方式號召各路英雄到該區打巷戰、目的是要鎖定巡捕房嘅注意力、好讓金區人馬擁有足夠空間部署下一波行動。據說大教頭將會由復出、並帶領眾門生進行無限期罷吃、企圖在國際社會上製造更大回響。注於屬真屬假、就要睇過至知喇！
其實在這場爭鬥之中、有人欲借紫荊平台千里發功、向龍之大地呼風喚雨、從而為黃雨遮打開市場。有人不甘心自己在金紫荊話語權被削弱、而不惜揭起陣陣腥風血雨。有人為着要摧毀晉身金紫荊最高權力架構嘅障礙物而引狠入室。有人吃裡扒外私通翻盅四老、出盡八寶替紫府幫倒忙。注於如何去辨別角色中的人物、相信各位街坊大概亦心中有數矣！
近日有撞師界朋在指出、紫府難以將戰狼三伯控以刑事之罪、即使要求索償嘅人士恐怕連個斗零都拿不到。正如大腰亭教頭話齋、小額講數署佢就一定唔會去架嘞、如果有人要索償嘅話、就去向高級法師告狀啦！唉、鬼唔知咩、要見高級法壇見大法師必須先聘用細撞師、然後再轉聘大撞師嘅喎、仲唔知要見幾多次、就算得到賠償都唔夠畀撞師費、假如輸咗又要負擔起對方嘅費用、更加係大出血潻啦！係嘛？由此可見呢三壇嘢由一開始就冇諗過要負責、正所謂有死人哋死吖嘛！小市民又唔係法術專家、點同佢哋玩呀？唔怪得時常聽人講、法術呢家嘢只係有錢佬、同埋懂得法術嘅人才有本事玩架喇！今次你班小市民做咗冤大頭、只能算你哋唔好彩、怨得誰耶？
難怪有人話、如果煲咗廿三味嘅話、就唔輪到呢班人為所欲為。咁講法、你又點睇呢、吓？
有自由已經攪成咁,,,,,,,,真係濫用咗,,,,,,,,,
回覆刪除冇辦法嘅、事關政治呢家嘢贏才是硬道理、其它一概關人個關喇！
刪除域兄深夜喇,
回覆刪除一直守候在電視機前觀看新聞直播, 警察一改以往作風, 採取進攻形, 拾幾個警察已可驅散幾百佔領者返行人路, 拾分鐘已將龍和路解通, 幾千佔領者潰不成軍, 一路捱打,
華娃兄、對呀、捕快今次出手比過去重咗、因為今次是一次早有預備嘅衝擊行動、着稍手軟該處又會淪陷。不過亦可以睇得出大部份人旨在出口而不出手的錫身一族而矣！
刪除如果中央肯大力度免費法援支持呢班追討者，那又怎樣？
回覆刪除這好比抗撃金融大鱷，你哂幾多就同你哂幾多……
只不過益咗班狀棍，但都有得搞嘅，咪係私底下傾下條件咯！
恕兄、如果我係中央就一定唔會幫受害者、好讓他們永遠留下創痛、終生記得是誰令他們蒙受損失。
刪除域 Sir,若果用小額錢債官司追討,是不是可以不用到高院?我見有好多小額錢債民事訴頌都不用到高院.
回覆刪除搞上高院只不過是大教頭一廂情願。不過此人是法棍一名、點都有辦法甩身嘅。不防拭目以待啦！
刪除戴教頭恰班巿民唔識野啫！小額錢債審裁處，具有處理申索低過五萬的司法管核權，故此低過五萬元的申索必需在小額錢債審裁處審理！戴教頭對法律咁有認識，他可以加入其他政治元素，那麼，小額錢債審裁處便無權處理了！從中可以看到戴教頭的真面目，什麼道德？什麼公正？及揚言會到警署自首等等，全是鬼話 ！
回覆刪除飛擸兄、你確實一矢中的、大教頭確有嚇街坊之嫌、此人確係唔止法想咁簡單矣！
刪除