2014年10月8日星期三

政治弄人



就地喝一聲
鄰里使神經
親人黑了面
摯友鬧不停

自從戰中爆發之後、黃色絲帶代表支持有公民提名嘅普選和支持戰中行動、而藍絲帶代表支持有篩選嘅普選和支持警方執法。就係咁、這場政治爭鬥就越演越激烈、不少好朋友、好同事都因為各執一詞鬧得面紅耳赤、甚至一家人裡面都分成兩派、亦聽聞有對父女在吃飯期間拗到火紅火綠、結果連飯碗都掟埋。咁、你話嘞、係咪豈有此理呢?

唔知到各位街坊對正治呢家嘢嘅理解如何?但在下就覺得政治有如宗教一樣、每一家都有不同理念、每一家都擁有自己嘅信徒。因此人們必須要學懂怎樣去尊重別人嘅政治信仰然後至有偈傾、亦只有懂得互相尊重才能夠和平共處。

自從示威區爆發肢體接觸之後、局勢已成水火不相容。有人指控巡捕房勾結容黑幫襲擊戰中示威者、目的是製造清場藉口。但亦有傳聞指是有人收買惡客毆打示威者、並藉此嫁禍反戰中人士、從而激發更多人走出來支持戰中。不過在下對以上講法完全不敢茍同。因為指控巡捕房勾結黑幫實在太過無稽、而指控有人收買惡客毆打示威者亦無憑無據。其實事件只能反映出政治爭鬥無所不用其極、亦反映出巡捕房人手不足、以致甩漏頻頻。然而巡捕房絕不可能放棄正常區域巡邏、而將所有人手都調到示威區。不過總捕頭已經下令所有捕快取消休假、甚至連後備捕快都全體出動、算盡力架喇!如果要再加添人手就只能求助於街坊軍、相信不會有人想咁嘅。係冇?

從上述事件可以見得到人們在情緒高漲嘅時候很容易誤判形勢、從而令到自己去鑽牛角尖。誤解越多、分歧越大、執拗越激烈、對峙亦越更加難以分解矣!紫荊人、你可曾試過撫心自問、到底自己有否尊重過別人嘅政治立場?如果沒有的話、現在是時候好好的去反思一下矣!

17 則留言:

  1. 域Sir,我親戚兩仔爺就因為佔中意見不同,而攪到大家面阻阻,我不想出聲,若我出聲變咗火上加油,個衰仔仲話個老豆唔識嘢,唉個衰仔真係識嘢叻仔有本事,都唔使問老豆攞首期中的三份一買樓啦。

    回覆刪除
    回覆
    1. ng Wai,講得啱!
      ng Wai,域Sir,
      為免傷和氣而家我都唔同我的兒女講香港的情況,因為我們的意見是對立,加上佢哋而家係我米飯班主!

      刪除
    2. Wai兄、娜姐、近日本城嘅氣氛確係合合咁架、家長跟子女為戰中而執拗、教書先生居然拉着學生衫尾走、無人敢講句真心話。咁你話嘞、呢個究竟係啥世界呢?

      刪除
  2. 域兄,晚上好!坊間流言四散,蠱惑人心,真是兵不厭詐。
    **
    風風雨雨又一秋
    流言四散使人愁
    書生灑盡英雄淚
    不知鄰國笑悠悠

    回覆刪除
    回覆
    1. 秋葉阿姨晚上好,

      多事之秋
      惹人煩擾
      外力亂港
      敵愾同仇

      刪除
    2. 秋葉阿姨、華娃兄、你們好。政治本來就是污穢的。

      書生何曾為港憂
      養肥光棍惹人愁
      今日聯群擺路障
      它朝棒下血當頭

      刪除
  3. 經過有心人十多年的宣傳洗腦攻勢及示範後,有一些人已經變成容不下不同意見和立場的人,以為自己的想法便是真理,不同意見即是破壞份子,沒有良心,要打倒所有這些妖言惑眾的敵人,甚麼師長、親人都不留情面,尤其見到紅衛兵三個字,更會怒從心上起。

    回覆刪除
    回覆
    1. 政治這件污糟邋遢嘅鬼玩意確能令人發癲發狂、難怪有人將今日比喻當年經衛兵矣!

      刪除
  4. 域兄晚上好,
    在下一向對榮休主教冇乜好感,但今日佢向佔中人士講嘅一番說話就好有紋路,

    天欲其亡
    必令其狂
    事到如今
    確實徬徨

    回覆刪除
    回覆
    1. 華娃兄、大教主人脆廣博、消息是十分靈通的。也許他知到別人仍未知嘅事都未定架!

      書生唔信命
      教主更靈擎
      人人皆落疊
      輸咗亦係贏

      刪除
  5. 我和妹妹政見很不同,大家都盡量不去爭拗,避重就輕,否則都是不歡而散的。

    回覆刪除
    回覆
    1. 政治嘅優勢就是爆發矛盾。否則政棍就不會樂此不疲的鼓動更多人參與了!

      刪除
  6. 陳主教表面痛斥學聯,實際係俾機會佢哋下台,另一方面修補不同政見教友嘅關係,將頻臨分裂嘅教友團結在一起!

    回覆刪除
    回覆
    1. 就憑大教主今次講話、這件事就變得與政棍無關、而只係學生固執而矣!咁即係話、學生可以犧牲、政棍唔可以吖嘛!因為學生衰咗無關宏旨、但政棍衰咗全盤棋都散晒架喇!

      刪除
  7. 他們初時是為了爭取普選,後來有了對話,學生就要加埋講政改。跟住之後就宣告談不攏。
    記得在去年前,有團體要我簽名支持”政改”。我說不明白,不肯簽。
    因為小女子平時都不會關心這些問題,不知道究竟改些什麼?就幾大都唔簽了。

    回覆刪除
    回覆
    1. 由於政改是政府有政府嘅版本、泛民有泛民嘅版本、所以才導致普選方式都有兩個版本。學生要求的普選是泛民的版本、因此必須先爭取到政改主導權、然後才可以達至其所謂「真普選」嘅目的。

      刪除
    2. 記得在兩年前上網略看過,但水過鴨背,忘記了。謝謝域兄回應。
      現在的新名詞多起來,什麼689政府, 小的也不明了。又說什麼"五毛",好似是”掌摑”的意思吧。

      刪除