戰中升級？

打着民主反民主

書生惡過大天二

封路紮營不賣賬

押上囚車悔恨遲

有政客在人民公社議會期間質問保安大隊長、是否因為戰中是非法經營就不獲巡捕房保護？呢嗱、那些攞正牌兼納正稅做生意嘅大小商號被人搞到雞毛鴨血、甚至已有食店因為拍烏蠅而結業、但巡捕房依然劈手不理、點解又唔見呢班友替佢哋出頭呢？喂喂、與民為敵衰硬架、小心下次選舉又躀低多幾個呀、老友！

由於反盟政客與大書生對於大總管開出“讓反盟入場參加打雷台”嘅條件意見相左、終於決定各行各路。從表面上看來、戴陳兩名教頭忽然宣布重返大教館授徒、似乎是與大書生翻臉。但按照大書生要求紅家會撤回改革方案、以及提出要跟紅家會二當家直接對話看來、顯示這場運動已經趨於激烈化。因此顏色革命現在才正色開始、而往後爆發流血衝突衝嘅可能性亦越來越大。別以為在下又發噏風、這場顏色革命不爆由自可、一爆肯定是8964翻版。信不信由你矣！

坦白講、其實大家都心知肚明、今日之爭既為民主、亦為銀子。大集團為的是要確保既得利益得以繼續維持、故樂見真普選。政客謀取政治利益、當然希望能夠奪權成功。外圍勢力輸入革命志在摧毀紅家會、然後再扶植起一個親他們嘅霸權、以供日後差遣。就係咁、三股勢力不謀而合、同時從各方面不斷的衝擊總舵主嘅底線。現在紅家會表明態度、寧願毀去金紫荊也絕不妥協、三方勢力其中兩方知難而退、唯一留下來的就係顏色革命的主要力量。唔知仍然堅持晒冷嘅人們做好當死士嘅心理準備未呢？

據報繼新聞社發表文章批評五大世家不肯表態反戰中之後、紅家會上議堂要將日前爆響口、喊紫荊堂堂主施威執包袱、嘅富貴幫幫主雷去雨踢出會、並褫奪他所有權利、以收殺雞儆猴之效。聞說紫荊堂領導層也將有人事變動、但暫時並無進一步消息。欲知事態有何新發展、就要耐性一些多等一會矣！