小子做先鋒
越做越唔通
沿路打倒蹆
到尼一場空
自從紫荊堂大總管答應廣大武術學院嘅學師會代表、將他們的要求透過講馬部轉交紅家會總舵之後、翌日學師會代表便發出不尋常嘅聲明、要求直接與總舵對話。別以為這一宗看似係談判中突發性小枝節、其實內裡是另有乾坤、而且連場好戲在後頭、當城中大晒冷件事擺平之後就自然有好戲睇、保證你眼界大開架！不妨耐心等一等啦！
早前有小道消自指出、正當晒冷行動進行得如火如荼之際、紫荊堂與反盟已經暗中達成秘密協議、在適當時候將晒冷行動摺埋、條件就係給予反盟上雷台參加紫荊堂堂主爭奪賽嘅權利、唯消息一直未能獲得證實。直至上次學師代表與紫荊堂大總管談判時、大總管以調整反盟參與打雷台機會、去換取學師撤回四大要求之後、消息嘅可信性便馬上飆升。目前所欠的就只是一次確定性談判。如果雙方同意嘅話、反盟就會叫停晒冷行動。號稱戰狼三伯嘅三位晒冷行動發起人獲悉反盟參與打雷台嘅目的已達、便要求學師就此收兵、以此為落實協議營造良好氣氛。殊不知一大群熱血青年感覺有人企圖過橋搊板、學師領袖不單只拒絕撤退、而且揚言要將晒冷行動升級。在雙方僵持不下之際、惟有由有份參與晒冷行動嘅武林同道以投票方或來決定去或留。
無論晒冷集團表決結果如何、學師騎虎難下嘅形勢亦不會改變、因為他們所提出的四點要求無一達標。在白混一場嘅情況下收兵、確實無法向連日來參與晒冷嘅武林同道作出交代之餘、亦愧對香江父老。現在搞到街坊怨聲載道、而自己又進退失據、都可謂豬八戒照鏡、兩邊不是人。學師今次上這一課嘅代價未免太高矣！
在下早就講過、政治是一污穢不堪嘅玩意、學師嘅一棵赤子之心只不過是政客手中一件用完即棄嘅工具而矣！
域兄晚上好,
回覆刪除政治當然污穢喇, 唔污穢都唔係叫政治, 攪政治最昜被人利用嘅就係學生, 佢吔入世未深, 講得唔好聽就叫冇腦, 當年毛主席推學生出嚟搞破壞就原出一轍, 可憐學子們被利用了作政治工具還不自知,
見好唔識收
還要造方舟
白費氣與力
心血付東流
華娃兄、你好，
刪除既是無厘頭
那會戥人憂
今天唔順氣
賺得隔夜愁
域 Sir, 政治污穢,而且政棍講的嘢,全是吹水,不分中外,可憐學生哥入世未深,不知人心險悪,天真無邪被人利用都不知.
回覆刪除Wai 兄、人唔跌過落地係唔會成長嘅。佢哋還年青、絕對輸得起。
刪除從報章得悉：
回覆刪除「發起今次佔領行動的學聯立場昨晚突然變硬，將於今日起舉行的「廣場公投」兩個議題，「叫價」提高至撤回人大決定、在一六年廢除立法會功能組別，以及在一七年特首選舉落實公民提名。」
所以話政治真可以令人瘋狂，令人興奮到像吃了搖頭丸一樣，不是嗎？凡政府唱好的，他們就必定搖頭…
其實他們最想得到的就是想政府武力清場，計我話，如果我係政府，用武力對待的不是站前面的學生，而係抄後路清理在後便的搞事者，哈哈，睇下佢地嘅如意算盤敲唔敲得響？
坦白講、廢除宮能組建制派一家唔答應、但並不表示大金主也會拒絕。請睇睇、現在嘅督爺最乞班富豪憎、但在阿爺照住之下冇人吹得佢漲。但如果督爺落在阿民手上、反而好傾好講得多。起碼唔使下下由阿爺講過就算吖嘛！因此要破呢個棋局一點也不難。問題只在於值唔值得因內鬥、而畀個位班鬼子佬入來狂抽水咁啫！
刪除在兩週前個人與網友傾談，曾主張以普查方式，定出贊成與反對的人數，以6-4 為勝方。以決定去留！ 今次佔中來個「廣場公投」;「反佔中大聯盟」也來個收集市民簽名，第一輪已得到 32 萬個市民的簽名，過多兩天再收集多些，與「廣場公投」的票數比併，看看誰多誰少？
回覆刪除當我正靜待過兩天這一個大日子的來臨，誰知剛剛看到電視上他們的頭領說：「廣場各人意見紛紜，未能統一，投票的事要取消了。」呵呵！真是令人太失望了！
所謂廣場公投、無非是書生不忿有人過橋搊板、而以此手段向班政棍迫宮。但最終過不了最高指示一關而被迫取消。唔好被我估中、當奧黑馬見完總舵主滿戴而歸之日、就是學生撤退之時。
刪除「學師嘅一棵赤子之心只不過是政客手中一件用完即棄嘅工具而矣！」對！
回覆刪除相信佢哋上完呢一課之後就會學乖。
刪除依家有班霸地青年，佢哋唔受任何政黨或者團體控制，佢哋無諗過撒離，但政府不會永遠容許呢種情況存在，我相信最後都要用武力清場！
回覆刪除據路邊收料會報、原來在鏡頭面前話自己不屬於任何一方、而又堅守多日嘅學生之中、有不少人是受過特訓的精英級人馬嚟。另外又指上大人決定不妥協不流血、就是要紫荊人自己搞掂。其實呢種講法、唔係冇可能嘅。日前四口大少在呢個水深火熱嘅時候、公開呼籲縣首自己摺埋一定唔會係口痕。有啲嘢唔使問阿貴都知點解架喇！
刪除