2014年10月21日星期二

誰是真正的磨心?

天下無知天亦知
空言怪論費心思
攻心說話停不了
聽去聽來乏善詞

呢嗱、戰中書生領袖多次把示威者與捕快的衝突事件、歸咎於捕快挑釁示威者而觸發的。之但係、事實證明並非如此。據報巡捕房已經拘捕一名青年、指他透過互聯網呼籲人們前往迫爆區衝擊警察防線、而且揚言革命已經到了轉捩點、並鼓吹群眾必須要盡力去迫使捕快使用武力。因此、如果腦袋不是生錯位置嘅正常人、一聽到所謂「捕快挑釁示威者」嘅指控、便知道這種講法完全係本未倒置。勢想不到、一群正在接受高等教育嘅書生、居然會在光天化日之下委過於人。

法庭已經頒布禁制冷、禁止迫爆區示威者長期霸佔道路、戰中頭目聲稱尊重法律、不過隨即又指、由於示威是自發性的、所以不會撤退、去或留應該由示威者自己決定。既然係咁、示威者走上街頭純粹是出於自發性呢種講法、究竟又靠唔靠得住嘅呢?冇錯、人的確是有自發性的。但係、當一大群人在同一時間、採取同一步伐、針對同一目標、做同一件事情嘅時候、必定是受到外來因素影響。因此這種所謂自發性示威、基本上是有誘因的。藐視法庭是型事罪行、但戴教頭卻對示威者講、他們是公民抗命、法官在判案時雖然不會說他們無罪、不過首先會將公民抗命因素列入考慮之列。之但係、他並冇講明、如果爆發警民暴力衝突嘅時候、條數又點樣計?現在的問題是、由於示威者無視禁制令繼續佔據行動、而加深區內店鋪經濟上嘅損失、又豈能是一聲公民抗命就可以化解?試問人們嘅良知何在?

戰中三老將自己放在道德高地之上、並聲稱今次是為紫荊人爭取民主而抗命、但實情係、最低限度已經有一百五十萬人簽名反對佔中。再者、當戰中人士在其它多個區域準備開闢新地盤時、亦屢次遭受當地市民驅趕、最終以落荒而逃告終。由此可見書生自稱代表紫荊人、其實只是一種以偏概全嘅低劣政治伎倆。恕在下大膽講一句、這場風波極其量只能夠算得上是泛民與共產之爭而矣!試想想、正當磨心的紫荊人是何等無辜?

18 則留言:

  1. 域哥哥:呢嗱我又識路嚟聽你講故仔那。

    回覆刪除
    回覆
    1. 弓姐晚上好,
      近來域兄講嘅古仔好有共鳴,人氣急升,

      刪除
    2. 弓阿姐、華妹兄、你們好!聽完唔好鬧就得架喇!

      刪除
  2. 我有簽名反對佔中,唔使佢枉作好人,替我爭取民主而抗命,我生活香港幾十年未遇過唔民主喎。

    回覆刪除
    回覆
    1. 其實每個人對民主嘅看法和須求都不一樣、因此才會有少數服從多數這個制度。然而有些人嘅眼中只有自己信奉嘅一套才是民主、其它的都是假貨。如果唔信、可以去問問失牧。

      刪除
  3. 域兄晚上好,
    有學生想在元朗開檔,未開咪就比街坊圍住,連檔都拆埋,結果要報警解圍,

    道理盡空言
    法規也徒然
    違法示威者
    最啱把堆填

    回覆刪除
    回覆
    1. 華娃兄午安,
      佢哋在藍田亦係開檔唔成喎!

      心願未成全
      火勢再曼延
      百姓苦連天
      書無繼續纏




      刪除
  4. 在這場運動,讓我認識到現代年青人的嘴臉。不禁嘆息連連!

    回覆刪除
    回覆
    1. 民怨沸騰
      如此治安
      無良黑手
      顛覆香江

      刪除
    2. 秋葉阿姨午安、有人話呢啲叫作擇善固執喎!

      書生圍堵
      百怕遭殃
      迫虎跳牆
      兩敗俱傷

      刪除
  5. 由佔中領會到 "一人偷雞要受靶,百人偷牛冇有怕",

    回覆刪除
    回覆
    1. 在下亦見識到何謂人多好造作、人多欺人少、人多可霸道矣!

      刪除
  6. 班友仔根本目標就係想香港獨立,不過無人夠胆出聲吧! 佢哋成日話代表港人,唔該佢哋將我個名剔除!

    回覆刪除
    回覆
    1. 飛擸兄、家陣紫荊城正在爆發集體被強奸事件。呢件事亦是人人見到、只係無人認見到之嘛!

      刪除
  7. 由 一開始 到如今, 市民態度 改變甚大,知道 社會行動 也因時間 和其他因素而變質, 不得民心,可惜,可悲,可嘆。

    回覆刪除
    回覆
    1. 在下早就講過、今日支持學生嘅人、也就是明天反對學生嘅人。再拖耐些就會更加明顯架喇!

      刪除
  8. 旺角係乜野地方,如果唔係巡捕房保護佢地,佢地一早已經被人熔左,個書生亞頭最近仲繼續指責巡捕房串通黑幫對付佢地。

    戰中的人都只看到自己的目的,甚麼手段對他來說都是合理的。用到製造大量市民的痛苦,作為要脅政府的籌碼,無視市民的怨聲載道,大部分人的反對聲音,不斷的自我催眠、麻醉,以魔鬼的手段「替天行道」。

    回覆刪除
    回覆
    1. 言之有理,旺角三教九流龍蛇混雜,唔係差佬隔開保護佢地,一早已經比人熔咗一 d 都唔出奇.

      今個月頭行經旺角示威集會區,有人排隊輪流發言講意見,聽到有佔中支持者講,他住在黃大仙上村,因政府將黃大仙的領匯商場改為私營上市公司後,用昂貴租金租比商戶,商戸要賣高價鞋才可維持經營,而他想買廉價平鞋,害得他要花車錢同時間去深水步買,鬧香港政府短視唯利是圖喎,租金或鞋的平贵都是由市場價格決定,咁都成為支持佔中的借口,真係無言...

      刪除