搬起石頭砸己腳

戰中不戰中

齊齊打秋風

支持變黑面

到尾一場空

戰中發展到今日確實係遍地開花、只見一群又一群擁抱着未來民主幢幜嘅學生到處集結開拓新地盤爭取民主。雖然有學生聲稱不接受任何政客或戰中三英指揮、但從他們結集地點對市民影響嘅程度看來、應該是經過巧妙布置的。之但係、原來學生嘅如意算盤並不是到處都打得響。有群學生到元區派絲帶、點知有一群人跑到他們面前、要求他們勿在該區搞事、結果學生只好離開。其實邊疆地區普遍為鄉土勢力所壟斷、無論是飯民抑或是倦制、若想在當地種一枚樁腳亦須要起用當地人、就憑幾個外來學生哥根本冇可能在人家地頭插旗。這是政治現實、學生哥究竟懂得幾多？

從市民反應看來、戰中遍地開花似乎是禍多過是福。難怪早就有高人講過、基本上戰中是在錯誤時間爆發、因為目前紫荊城尚未到要齊齊老命嘅時候、所以戰中越是遍地開花蒙受損失嘅人越廣泛、反戰中嘅力量就會越來越壯大、結果衰收尾嘅就係戰中。從市民不滿情況漸趨強烈看來、就足可以證明高人所言不差。

戰中三英眼見形勢不妙便立即更改牌頭、聲稱只要縣首下台、他們便立即撤退、並會與紫府大總管對話。這個要求基本上是完全抹殺學生先前提出的四大要求、包抱一、確立蟻民提名；二、廢除異能組別；三、大人向講人道歉；四、縣首及紫改三人組下台。單從表面形勢看來、學生已經輸咗一大截。

剛剛有位大鄉里同我講、佢話：「你有張良計、我有過牆梯、今次集體遊不到紫荊城來、令到本來以為可以在“黃金州”撈一筆嘅老闆人人食穀種、個個面燶燶。假如再有人膽敢迫願首腳痛嘅話、下次連個人遊都截斷埋、睇吓仲有冇人敢玩嘢。」依我睇、反戰中陣營就快要動員了！再係咁搞落去、恐怕明年打工仔加薪希望將會凍過水、唔使倒扣已經算好彩矣！信不信由你喇！