2014年9月28日星期日

金紫荊的惡夢



門前聚憤丁
怨氣化成兵
紫人多缺鈣
做鬼也不靈


「昨晚戴教頭突然宣布佔中開始喇!」

「佢嘅環境有啲似係被迫提早上梁山。」

「你認為阿爺會唔會讓步?」

「呢個世界上有種人是可以被打倒、但絕不會被嚇倒的。」

「阿爺係呢種人嗎?」

「的確係。」

「有人話、呢單嘢係山姆在背後搞鬼、你點睇?」

「邊個人搞鬼唔重要、重要嘅係點解有咁多人願意挺身而出。」

「聽講話、山姆以利誘方式去收買人。」

「阿爺有大把錢、不如派人去花旗照辦執一劑、睇吓點?」

「我諗多數唔得嘞。」

「點解?」

「我睇唔到花旗人點解要反政府囉!」

「咁、你又知唔知、點解紫荊城會有咁多人係又反、唔係反?」

「唔知。不如你話畀我知啦!」

「因為紫荊城普天同“”咗十六年吖嘛!」

「係乜嘢搞到啲人咁“”呢?」

「政府做嘅嘢、唔少嘅都係為民所“”嘅囉!」

「但政府卻指責反對派搞對抗至喎!」

「呢個唔係誰搞對抗嘅問題、真正問題係人們嘅切身感受。」

「會唔會係有啲人對政府有偏見呢?」

「你話畀我知、當大多數人都唔妥你嘅時候、究竟係你出咗問題、抑或所有人都對你有偏見?」

「聽你咁講、好似係暗示今次學生示威係政府嘅錯引起嘅喎!」

「我冇咁講過、但學生哥咁做確實是失策的。」

「點失策法呢?」

「因為結果只有一個。」

「係點樣嘅結果呢?」

「要求不果、流血收場。」

21 則留言:

  1. 回覆
    1. 按目前形勢睇、示威尚算和平。但店鋪生意日日受影響、交通嚴重影響上班族、社會上就會出現不滿示威者之聲音。到時政府就有清場必要、衝突亦難免矣!

      刪除
  2. 不惜以學生作為籌碼; 成為無辜犧牲者..
    學生被他們利用了, 可悲心痛..

    回覆刪除
    回覆
    1. 在下相信學生是希望社會得到民主、但未成年學生也參加這類政治活動就有商榷餘地。

      刪除
  3. 心情沉重,沒有珍惜餘下的自由l相反利用呢的時間攪亂香港,收埋黑錢都食唔長,或無命食!

    回覆刪除
    回覆
    1. 其實九七後香港自由程度並未受影響、但民主呢家確實受到剩稍。證據就是當年老董親手毀掉市政局這個最大民主程度嘅議會。

      刪除
  4. 難道 無一個學生 知道 自己 為何 上場? 全是愚昧無知 遭壞人所騙麼!
    難道識時務才是智者麼!!

    那,請 叫同學回家,因為 時候未到,革命 仍需 努力,來日方長, 養精蓄銳吧 同學們!

    回覆刪除
    回覆
    1. 現在嘅問題是、為了爭許一件從來未有過的東西、就要鬧到不是你死、就是我亡嘅境界、是否合當?

      刪除
  5. 正所謂少年不識愁滋味,況且大多亦被寵慣,只當遊行示威等同於行街看熱鬧而已。那麼之後有何後果就一概不理,而且也沒有人告訴他們有多嚴重……

    回覆刪除
    回覆
    1. 教育界普遍視紅門如洪水猛獸、學生必然受到不同程度影響。其實今日搞成咁、責任並非單方面的。

      刪除
  6. 那班抗爭青少似流民多過似學生呢! 他們的家長不感到痛心的嗎,還是感到非常光榮呢?

    回覆刪除
    回覆
    1. 據說有些家長是不想自己仔女參加示威、但又無法禁止而矣!

      刪除
  7. 明知佔中既結果係全港受害,仍要發動累人累物的佔中,香港有七百萬人,1%既人支持上街已有七萬。
    看泰紅衫軍、黃衫軍,各有支持者,對抗起來只會全社會受害。

    回覆刪除
    回覆
    1. 香港兩極化已非新鮮事物、大概這是以民制民的延續吧!

      刪除
  8. 我覺得佔中茅頭直指CY及其問責官員,爭取普選及政改已變成導火線了!這次事件,可見到庸官的表現,保安司,警務處長,律政司等等,全部唔夠班!李嘉誠說得好,叻嘅人唔加入政府,庸碌嘅就霸住個位做!

    回覆刪除
    回覆
    1. 更加不幸的就是、李老闆所講嘅話居然是一矢中的。

      刪除
  9. 域兄午安,
    香港理性嘅人很多,但感性嘅人更多,

    學生單純被利用
    明眼睇到都心痛
    亦有盲從附和者
    甘願為人打衝鋒

    回覆刪除
    回覆
    1. 華娃兄晚上好、

      學生勇字掛心口
      坐言起行大步走
      若問此間何所似
      通常耍手兼擰頭

      刪除
  10. 明明話 10 一 才佔中 , 卻在中學生將完罷課時將佔中接上 , 小朋友無路可選 , 順理成章成為押宝工具

    回覆刪除
    回覆
    1. 政客最善長就係失憶。學生哥看事物比較單純和直接、難免人云亦云矣!

      刪除
  11. 內鬥內爭,是中國幾千年來的把戲。爭權爭利,從無止息。

    回覆刪除