精人出口

學生打衝鋒

成仁博成功

兩頭不到岸

惟有揼波鐘

呢嗱、『有政治、無道義』又有新體驗。中書齋學生哥被推入政治格鬥場已經無可避免。繼『學人思維』之後、第二個中書齋嘅學生哥組織『書生瞓醒』於不久前成立、並迅速加入罷課行列。從此一向和平安靜嘅中書齋便淪落成為新的政治格鬥場所。學生哥想專心讀好書？難矣！講到這裡、內心忽然湧起一個頗具玩味嘅問題。何以在大中書齋所成立的書生組織、總是為針對阿爺而設嘅呢、吓？

近日有傳聞指出、阿爺召見城中幾條大孖沙、據說是希望借助他們在社會上的影響力去加強反戰中嘅力度。將來嘅成效係點、暫時唔知到。但有關書生罷課嘅報導、卻比相像中低調得多。有人認為生意人絕對不會正面得罪阿爺、而政客亦不敢忤逆自己嘅米飯班主、所以誰也不願意高調支持罷課、反而與戰中三英保持點點距離則大有人在。由於罷課嘅規模未能達到預期、有人號召書生頭目加強推動同學仔參加罷課、從而造大抗爭嘅勢頭。相信這兩天罷課書生必會加強對縣首嘅衝擊、以吸引更多注意。

呢嗱、政治就係咁嘅、所謂你有張良計、我有過牆梯吖嘛！自從一個叫作「神之親兄弟」嘅組織爆大鑊之後、連日來江湖上盛傳、目前化身大書齋博士生嘅丹家域就是在山姆家服務三十多年嘅特務頭子、並與現任紫荊城代辦夏蝙蝠、講美中心主管摩頓荷貝路卡等人、聯合大撞幫和大生聯會在城中搞卡拿革命、而大聯頭目獲所得嘅報酬就是可以到山姆家落腳。亦有傳聞指學人思維嘅大旗手小王蜂、早在三年前已被山姆大叔以同樣條件收歸門下、並委任駐紫荊城嘅咬肉部總管天兜盾當其監護人、而且先後投資約230萬在他身上、將他打造為新一代抗爭英雄。嗱！嗱！嗱！各位街坊、雖然呢啲傳聞講到似層層、注於係真唔係、大概只有天曉得、當古仔聽下就好喇！