2014年9月1日星期一

大亂將至


框架己定好
麻煩亦倒數
紫城遭劫難
不見有賢豪

呢嗱、朝廷一句『葛瓜安全』大代會便推出一套『篩普損』規則出來見街坊、亦即是說從今以後紫荊人都必須按照這套規則去揀選縣首。這個結果等同對飯盟說、今後“有我冇你”若要玩嘢就儘管放馬過來。事情發展到這個地步、恐怕飯盟嘅幻想已經灰飛煙滅。從形勢上看來、無論如何戰中必定會上演、一場大亂在所難免。

現在問題是、戰中到底會演變成何模樣、引發大災難嘅機會高唔高?假如真的如某些媒體所指、戰中背後有外部勢力支撐的話、那麼目的大概有兩個。首先是借紫改之勢在紫荊城樹立一個符合『各製標準』的政治樣版、然後向內地發功、從而圓其和平演變春秋大夢。不然的話、就在城中製造一場大動亂、只要能迫得街坊軍出手鎮壓、奧黑馬就有藉口號召其盟友集體對天朝實施經濟制裁。咁即係話、就算搞不垮紅門、亦要令天朝「打到蹆」最少三十年。無論結果是那一個、對於奧黑馬嚟講、都是符合花旗嘅世界性戰略和國家利益的。

有冧鎮朋友透露、早前有跡象顯示街垃軍曾經舉行多次疑似反戰中演練。如果消息正確的話、即是說朝廷已經做好出動街坊軍鎮壓嘅準備。如果係咁就真係弊家伙喇!雖知到一旦街坊軍出手嘅話、等同向奧黑馬提供制裁理據、到時天朝唔死都一身孱啦!所謂雙拳難敵四手吖嘛、何況係一眾經濟強國?別看今日天朝意氣風發、若然一旦遇上多個主要經濟強國聯手經濟制裁嘅話、恐怕唔使幾耐就褲穿窿。相信奧黑馬等這個機會、已經等得極之唔耐煩。問題是、結果就只能是這一個嗎?

20 則留言:

  1. 實在令人擔心呀!還可能有什麼結果呢?若是 “運動“ 擴日持久、“街坊軍“ 難以克制、鎮壓清場之舉實難避免、必中他國下懷呀!我們這些真正用個心去愛國愛港的市民、只有乾著急呢!

    回覆刪除
    回覆
    1. 在下相信這啖虛火不久就會下降、江湖傳聞指有些大老閘已經表明態度、如果有人火上加油嘅話、就會終止捐獻。

      刪除
  2. 而家立壞心又食飽無憂米嘅人多,立壞心又向錢看的更多,咁香港又沉快的!

    回覆刪除
    回覆
    1. 人有理想是對的、但要人家犧牲一生前途去圓一己之私就不敢恭維矣!

      刪除
  3. 唉,這班學生,似 89 翻版,希望鎮壓用大水炮好了!

    回覆刪除
    回覆
    1. 歷史已經清楚告訴我們、如果連個勢都未看清楚就人云亦云、到頭來吃虧的還是自己。

      刪除
  4. 你覺得飯盟嘅幻想已經灰飛煙滅,我覺得飯盟有唔少人是正中下懷呢!一切盡在他們預計之中。

    回覆刪除
    回覆
    1. 補充:被人擺布的飯盟是幻想灰飛煙滅,擺布人的飯盟是正中下懷。

      刪除
    2. 這個世界上確實啥人啥事都有、可惜有人不信邪而矣!

      刪除
  5. 域兄晚上好,
    以往國家領導人常被批評腰骨缺鈣,現在就硬給你看,

    粮票有用過選票
    點解成日瓜瓜叫
    未去上堂先罷課
    冇腦嘅人確唔少
    佔中諗住迫亞爺
    如今變了條死蛇
    硬著頭皮搞落去
    定必人亡又毀車

    回覆刪除
    回覆
    1. 華娃兄你好、人矛盾、形勢更矛盾、要解決彼此執拗須要的是智慧、可惜有太多人唔係咁諗而矣!

      有票無票都是票
      最怕遇上神仙跳
      乖仔學人搞政治
      有書唔讀呱呱叫
      話你唔聽放毒蛇
      袋鼠登壇力撐腰
      今日教人講義氣
      則身便走兩地遙

      刪除
  6. 我就覺得香港人不是ISIL成員,亦不是阿爾蓋達或極端伊斯蘭信徒,連強國的大媽都不如!他們能做些什麼?上次部份學生被帶回警暑,後由家長領回,在離開出警暑前,淚流滿臉,可見他們這些並不是抗爭的材料,就算加上一些學者,我相信用警力維持,已經綽綽有餘,根本無須動用到解放軍!

    回覆刪除
    回覆
    1. 從前本地人以「容香江人只得三分鐘熱度」來形容自己確有先見之明。在正想今次也不例外、因為政黨未必敢冒着失去多個捐獻大戶而繼續向前衝。

      刪除
  7. 為民不甘作順民
    前車之鑑作鬥爭
    諸侯誓要稱霸主
    不慣王爺若君臨
    唇亡齒寒同一夢
    東江水冷早飴君
    黃河滔滔原是母
    紅鬚綠眼是何人

    回覆刪除
    回覆
    1. 一樣米養百樣人
      書齋有個陳大民
      執着教鞭來賣唱
      導人子女自傷身
      建制急忙充護法
      泛民惶恐失三魂
      書生造反何理據
      紫城又再起紛爭

      刪除
  8. 域Sir,自從89學運用坦克鎮壓之後,共產黨已汲取教訓,唔會再用啦,更何況香江呢班烏合之衆,可須出動軍隊?

    回覆刪除
    回覆
    1. Wai 兄、在下也有同感。在下身為『講人』當然希望件事唔好惡化落去咯。

      刪除
  9. 齊齊•*¨中秋節快樂❥・゚
    ┏━┓ ┏━┓ ┏━┓
    ┃天┣━┫好┣━┫樂┃
    ┗━┫天┣━┫快┣━┛
     :┗━┛:┗━┛:.*¨`*•
     ❤   ❤   ❤¸.•*¨`*•❣

    回覆刪除