知人知事不知真
群雄搏懵有乾坤
今在台前演大戲
回到幕後兩家親
呢嗱、開講都有話、老千計狀元才吖嘛、今期人民公舍大劇院就做齣好戲過你睇。連日來在全城擾攘多時的「大東北發錢計劃」前期撥款終於獲得通過。據說在表決期間、主持人烏星星、建仔、民仔合力演出一齙霸王硬上弓、結果在一遍兵荒馬亂沙塵滾滾嘅情況之中打開大東北發錢之門。
這套霸王硬上弓已經報名參加角逐第十六屆金紫荊鬧劇節最佳劇本、佢阿爺被提名最佳監製、你老闆被提名最佳編劇、施威被提名最佳導演、烏星星被提名最佳男主角、建仔和民仔被提名最佳文武生。霸王硬上弓之所以如此被看好、應該歸功於兩幫演對手戲嘅演員。在開場之初民仔已經把烏星星描繪成一個手執生殺大權、不懂規則、而且是一名異常莽撞嘅盲頭污蠅。在表決期間民仔與烏星星演六國大封相、而建仔則使出一招明修棧道暗度陳倉、如此這般便成就了「沉舟則畔千帆過」這一幕。但凡立足於政治舞台嘅演員都知到人可輸、勢不可輸。嘅然烏星星霸王硬上弓、民仔理應當場提出抗議及聲明絕不承認這次表決結果、然後打響銅鑼集體離場、走出公社大門口當着群眾和記者面前言明一切。在下敢打賭、假如烏星星膽敢在無民仔參與嘅情況下通過議安、輸人的當然是民仔、但輸勢的必定是建仔。因為除了加深小蟻民對宮能組的反感之外、人們定必會在下次大選之中以手上一票表態、到時遭逢「滑鐵奴」的必定是建仔、對施威來說更加是雙輸。現在民仔搞到輸人兼輸勢才大叫要搞甚麼「撕法審查」大概是向街表示一切過錯應由烏星星一個人去孭而矣!之不過冇所謂啦、所謂養兵千日用在一朝吖嘛、今次打開大東北這條財路烏星星大概可以功成身退、而建仔與民仔亦可各得其所哉。那麼紫荊人就惟有稍作包容、多做一趟冤大頭吧!
今次呢件事就算係盲嗰個都睇得出、咱家人民公社主要服務對像既非我、亦非你、而係你老闆。莫講話由一個透過「珍寶選」揀出來嘅人來當金紫荊揸拂人無辨法扭轉當今之勢、即使再加上一群清一色由小蟻民選出來嘅公社代表亦不會令到形勢有任何改變。因為政為商用就是當今世上嘅主流大氣候、絕不會因人類意志而有所轉移的。
又要企硬又怕輸,針點有兩頭利,咁唯有咪耍計,就算輸了都有番咋沙,對嗎?
回覆刪除曾經有人話我知、公社內不會有人「真」輸、真輸的人都是在公社之外。
刪除香港天災少,人禍多!
回覆刪除無奈唔就係、當今天下天災人禍已經很難分了....
刪除域哥哥:你好啊!
回覆刪除弓阿姐、很久不見喇、妳好嗎?
刪除弓大姐回來了!弓大姐的域哥哥有福了!
刪除覺得審批撥款最後那場真的好戲劇化,仲鬼咁精彩,各方演技都非常精湛,大東北人睇到眼光光!
回覆刪除相信這宗事件手尾長呢!
刪除呢位烏星星嘅演技實在太差,連台辭都諗得唔好,叫佢笑時又無表情;到喊時又無眼淚!怕且要入藝員訓練班再培訓先至得!
回覆刪除呢個世界唔使有自知之明、更無須本領高、只要企得夠硬就有得撈加喇!
刪除香港深圳恵州一體化
回覆刪除全靠東北開新城