你刮我又刮
連嘴都唔抹
大話說幾回
能使黑變白
今年黃金周假期顯示、祖家遊客數字比往年同期下降一成二、而且旅客消費方亦見下調、有人將責任推到趕客幫身上去、不過在下對此等說法不敢茍同、唔知你又點睇?並不是在下存心靠嚇、其實這不過是剛剛開始、明年黃金周將會見真章。以目前形勢看來、祖家整體經濟放緩、人們消費意欲下降、加上寶島、高麗、以及東南亞等地的接待訪客能力優於紫荊城、景點、購物等方面亦具相當吸引力、更多人願意選擇那些地方作為渡假好去處是不難想像的。因此紫荊城是否削滅自由行旅客數字已經無關宏旨矣!
其實紫荊城基層大眾面對的困難並不在於遊客多寡、而係水貨客為患。騎呢騷廳長早前表示、他統計過一日多次進出紫荊城的祖家遊客只佔總遊客數量五個巴仙、因此而否定一簽一行嘅建議。不過他並冇提及這五個巴仙重複進出本城嘅水貨客就是損害基層利益嘅罪魁禍首。騎呢騷之所以不提、大概是水貨客對於生意人來說簡直是個大財神。因為除咗生意做多咗之外、最過癮嘅就係坐地起價賺上加賺吖嘛!換言之紫府一日不肯正視這個問題嘅話、生意人就可以繼績刮粗龍、但代價就是民怨加深、社會矛盾加劇。唔信?今年七一就會有答案。不過對於某些全家早已不是紫荊人的大老爺來說、一切都無所謂。
祖家政府意識到樓市泡沫對整體經濟已構成威脅、早就以行政手段壓抑炒賣過於蓬勃的地產市場、加上祖家嚴厲打貪和加緊監管及追踪非法熱錢去向、再加上外圍地產泡沫面臨爆破邊緣、城中可能出現兌現潮、炒賣集團會把握時機及早把存貨削價傾銷、然後擔定張凳仔邊洗白白邊等睇好戲。據國際銀兩基會透露、紫荊城是當今世界樓市泡沫最高風險之地。依在下睇、若然人家跌三成、恐怕咱家跌夠五成、到時難免一街都是大閘蟹矣!所以在下早就講過別只見樓市忽然蓬勃起來就以為撈到粗嘢、其實只是回光反照而矣!執筍盤?再過兩年都未遲。若有懷疑、不妨認真觀察一下某些消息靈通嘅行企和爛法代表、看看是否有人已經靜悄悄地將貨尾割價脫手便知到應該點做架喇!
域Sir,香江本身無資源,無輕重工業,靠的是物流,金融,旅遊,如果少咗真正的遊客,影響極當然大啦,但少咗班低質水貨客冇乜所謂咯。
回覆刪除呢句好真:但少咗班低質水貨客冇乜所謂咯。
刪除講到物流只是老懵懂一廂情願、查實早墮着冧鎮崛起而萎縮了!這亦認明阿爺都無法勒住冧鎮發展而畀條路紫荊城行嘅。冇錯、旅遊業確實帶旺紫城、但水貨客帶旺的不少是阿爺嘅親戚、而受苦的就是本地基層小市民了!所有問題是離不開勾結二字。
刪除國內同胞的遊客中, 亦有素質高者, 他們會選擇與港客同團。
回覆刪除對極了!所以在下是絕不讚成趕客的、反而認為對付水貨客責任在政府身上。
刪除樓市泡沬爆破好恐怖架!
回覆刪除這一日就快到了!
刪除真係官字兩個口,一日多次進出既遊客少,可以話一簽一行都冇用,那些大部分是水貨客,正是很多人的眼中釘。又可以話人少,取消左對香港旅遊業影響不大啫。
回覆刪除只要看看當日督爺講咗句 “減客兩成” 之後在爛法會之中誰的反應最大就知到根本冇可能依靠裡面班人為小市民做到些甚麼了!因此激進派狂迫政府每個市民派『彩』一萬銀、並非無的放矢的。
刪除水貨客,一招就搞掂佢地,因現時網購十分流行,如果去限制大陸客,香港也就真的搞掂....玩完咯!
回覆刪除還有、假如冧鎮『打水』是來真的話、問題亦可迎刃而解。
刪除域兄言之有理!香港對內地遊客的吸引力已大不如前,加上內地大力反貪腐,有消費能力的旅客都會暫時偃旗息鼓!我相信樓巿爆破的日子會很快出現!
回覆刪除對呀、雖然總理大人話今年經濟會有7.6%增長、但在下相信這個數字是建基於天下太平、只要東南二海槍聲一響、條數就唔可以咁計矣!
刪除香港沒有自由行也不會滅忙的。
回覆刪除對的、但日子亦不會好過矣!
刪除域兄晚上好,
回覆刪除成也蕭何,敗也蕭何,自由行又愛又恨,
大話最怕係計數
藥房仲多過米舖
若無水客自由行
十居其九等運到
好運噩運早預告
刪除只恨講人懶計數
今日白米混沙泥
明日隨街見吉鋪
講真, 香港人都係自作孽。有啖好食就去到盡, 正所謂鼻屎好食鼻哥窿挖穿。海水都有潮漲潮退, 生意又邊會永遠上升無止境。班奸商見生意好就狂開店同分店, 搞到金舖藥房多過米舖。業主目勢頭好又狂加租。個個殺雞取卵, 惡性循環之下膽固醇過高, 梗爆血管啦。查實係D奸商賺唔夠啫。
回覆刪除紫荊人盡顯「唯利是圖」本質、所謂執輸行頭慘過敗家吖嘛!現在水浸眼眉依然唔知埞、恐怕唔使幾耐就會出現像當年大衰退期間雜貨鋪嘅炭被搶購一空嘅場面架喇!
刪除