2014年5月29日星期四

成也水貨敗也水貨




今日打水貨
打到對面河
蠄蟧慌撒尿
老鼠被嚇傻

呢嗱、日前督爺在拆白會隨說了一句可以考慮削減兩成自遊行旅客之嘛、零售股、收租股、以及相關概念股價登時蒸發過百億元、都咪話唔誇張。喂喂、難得有人跌錢、唔知各位街坊有冇執番多少呢?一向對水客衝關活動視為無限商機嘅政客馬上爆響口、呼籲督爺別打自由行主意、要搞就去搞那班水貨客。點解呢位事頭今次會咁順攤嘅呢?無它的、那是因為冧鎮關卡已經開始嚴打水貨。即是說、假如今次是來真的話、水貨客的末日將至、無論本城是否取消一簽多行亦無關宏旨。不過咁、現在社會上講緊嘅係、城中酒店和相關設施不足以接待真正來觀光消費嘅遊客、而唔係指滋擾着北區市民的那群一日往返關卡多次嘅水貨客喎!係咁、那位爆響口嘅政客究竟想點呢?

2014年5月26日星期一

插針樓的啟示


你謀我又謀
為地打崩頭
官商無義氣
眾生變人球

唔記得由幾時開始、紫荊城流行反對浪潮、但凡由府衙提出的都要反、係又反、唔係又反、總之就反個不亦樂乎就是。例如明明人人喊督爺多建公租屋和公賣屋、點知督爺話手頭上嘅土地唔係用來益街坊、而係留待用作祝賀租界邊疆人民添丁之喜嘅。唯一方法就係向交野公園和鬧市之中嘅窿窿罅罅打主意喎!之但係當政府一開聲、四方八面的抗議之聲就響起來。究竟問題出在那裡呢?

2014年5月9日星期五

屎郵包



局長勸你去包容
你對局長氣沖沖
雖然怪事經常有
屎入門來第一宗

呢嗱、唔知邊位街坊咁惡作劇、好寄唔寄、居然先後寄三包屎給騎呢蘇局長嘆、睇來今次巡捕房又有排忙矣!這宗恐怕是本城開埠以來首宗不文奇案矣!唔知呢單嘢是否由於日前騎呢局長呼籲市民包容祖家孩童當街拉屎、而導致今次被人惡搞?如果係咁就認真唔應該。俗語都有話、所謂己所不欲勿施於人吖嘛!有啥唔滿意大可以講出來讓街坊評評道理、無須玩「核凸」啫!如果被人捉去坐花廳、就真係蕃薯跌落風爐、該燴架喇!知冇?

2014年5月5日星期一

高鐵變糕鐵



丙爺稱驚訝
飯民追着打
阿二嘆風流
官家當箭靶

日前運房廳廳長張小丙在人民公社例會期間、對於糕鐵工程延誤和超資表示驚訝。誰知他的話尚未講完、連串口誅筆伐便猛撲他而來。連日來報紙黨尊貴田二極其榕樹頭講古之能事去演繹有人涉嫌隱瞞工程延誤、令人越聽越覺津津有味。當糕鐵文件曝露政府早就成立專家小組應對工程延誤之後、新童會尊貴咖哩威立即要求公社召開批鬥大會並以揼拳法招呼小丙廳長。喂喂、睇清楚至好玩呀!萬一傳媒揭露講鐵在四年前以經知到車站北面有大量花崗岩將會延誤工程一事屬實的話、恐怕死得人多的將會是上一手管治班子。有人眼見火勢越燒越唔對路、心知不妙、於是合眾之力否決飯威的提議。但你有你否決、飯民卻得勢不饒人、話咁快白鴨黨尊貴刺蝟胡以不信任為題再提批鬥。問你點頂?